Inicio Blog Páxina 24

A alcaldesa da Coruña defende a multa ao campión español de surf: “Non se pode desobedecer á Policía”

europapress
-
0
A alcaldesa da Coruña defende a multa ao campión español de surf: “Non se pode desobedecer á Policía”

A alcaldesa da Coruña, Inés Rey, instou á poboación a cumprir as normas tras ser multado o pasado xoves o campión galego e nacional de surf Pablo Montero por meterse no mar con alerta laranxa meteorolóxica nunha praia do paseo marítimo da cidade herculina.

“Cando estamos en alerta hai unha serie de medidas que se toman para garantir a seguridade das persoas e de quen están encargados de coidarnos”, contestou a preguntas dos xornalistas sobre este asunto. “Como administración pública, temos a obrigación de coidar e protexer ás persoas, iso pasa polo cumprimento das normas”, insistiu a rexedora. Fíxoo tras explicar que a sanción imposta “non foi por meterse na auga senón por non facerlle caso á Policía municipal e desobedecer as súas ordes”.

Cuestionada tamén pola suxestión da Xunta de que o aeroporto de Alvedro estea atendido por 30 taxis do Concello de Culleredo e cinco da Coruña, sinalou que foi “ben recibida” por parte do sector. “Formalizarase proximamente”, avanzou, tras a reunión mantida entre o primeiro tenente de alcaldesa, José Manuel Lage, con representantes do gremio.

FUNDACIÓN LUÍS SEOANE

En canto ao proceso de designación da dirección da Fundación Luís Seoane, a rexedora expuxo que se volverá a abrir o procedemento despois de que fose obxecto de queixas o que finalizou coa elección de Carmen Jiménez como directora. “Pedín que se reúna o padroado para aprobar unhas novas bases e iniciar un novo proceso de selección con máis tempo para presentar candidaturas e con toda a transparencia do mundo”, concretou.

Mikel Erentxun trae a Coruña a xira que revive a lenda de Duncan Dhu

europapress
-
0
Mikel Erentxun trae a Coruña a xira que revive a lenda de Duncan Dhu

A xira ‘DD40’ Mikel Erentxun Duncan Dhu Tour 2025, que celebra o corenta aniversario do debut discográfico do grupo, chegará o próximo 22 de novembro ao Palacio da Ópera da Coruña. As entradas dispoñibles están á venda en Ataquilla.com e despacho de billetes praza de Ourense con prezos que oscilan entre os 35 e os 45 euros. A xira ‘DD40’ celebra o corenta aniversario do que os promotores do concerto cualifican como o “inicio daquela indeleble aventura, rebosante de clásicos”.

Condenado a tres anos e catro meses de cárcere un pai da Coruña por maltratar aos seus fillos de 5 e 9 anos

europapress
-
0
Condenado a tres anos e catro meses de cárcere un pai da Coruña por maltratar aos seus fillos de 5 e 9 anos

O maxistrado do Xulgado do Penal número 3 da Coruña condenou a tres anos e catro meses de cárcere a un pai por maltratar de forma continuada aos seus dous fillos menores de idade durante o fin de semana nos que convivían con el.

O xuíz considerouno autor de dous delitos de malos tratos domésticos, dous delitos continuados de malos tratos habituais, un delito de malos tratos habituais no domicilio común e un delito de incumprimento dos deberes legais de asistencia.

Así, tamén lle impuxo 40 días de localización permanente, 11 anos e medio de prohibición de aproximarse ou comunicarse cos menores, a privación da patria potestade durante nove anos e o pago dunha indemnización de 12.000 euros.

Na sentenza, o xuíz indica que o acusado exerceu sobre os seus fillos “violencia física e psíquica continua”, a través de “agresións, insultos e condutas vexatorias”, chegando a obrigar ao menor a tragarse o seu vómito e a encerrar á súa filla nunha habitación ás escuras.

O titular do Xulgado do Penal número 3 da Coruña entende probado que o domicilio onde pasaban a noite as vítimas “non tiña as condicións mínimas de habitabilidade, hixiene e seguridade”, así como que o acusado “non fornecía ao seu fillo o tratamento médico que tiña pautado”, nin alimentaba aos menores “na debida forma”.

O maxistrado tamén afirma que “non lles proporcionaba a hixiene mínima necesaria”, o que provocou que chegasen a ter “o corpo cheo de picaduras de pulgas e insectos pola falta de salubridade da vivenda”.

Os feitos ocorreron entre 2019, cando as vítimas tiñan 9 e 5 anos, e 2021. Segundo o fallo, as condutas do sospeitoso eran “continuas ante calquera comportamento que non lle gustase dos menores”. De feito, ao seu fillo golpeábao “na cara, nas pernas ou no cu”. Ademais, segundo consta no fallo, insultábaos “de maneira frecuente”.

O titular do Xulgado do Penal número 3 da Coruña considera plenamente cribles os testemuños dos menores, pois subliña que “non se albiscan razóns polas que quixesen mentir”. Ademais, destaca que os informes psicolóxicos acreditan o malestar emocional e os síntomas compatibles con situacións de malos tratos.

Na sentenza afirma que o informe da traballadora social e as fotografías achegadas pon de manifesto que “as condicións da casa eran inadecuadas para o coidado duns nenos”. O maxistrado, que descarta a existencia de dilacións indebidas, sinala que aínda que o acusado, no seu lexítimo dereito de autodefensa, nega os feitos, o conxunto da proba de cargo “desménteo de maneira contundente”.

A pesar de todo, a sentenza non é firme, pois cabe presentar recurso ante a Audiencia Provincial da Coruña.

Sumar Coruña reclama responsabilidades políticas pola crise na Fundación Luis Seoane

Redacción
-
0
Sumar Coruña reclama responsabilidades políticas pola crise na Fundación Luis Seoane

Movemento Sumar Coruña manifesta o seu apoio total ao manifesto asinado por máis de 150 personalidades da cultura galega e coruñesa, en defensa da dignidade e das boas prácticas na Fundación Luis Seoane.

Para o grupo, o documento, difundido a través dunha exclusiva do Xornal da Coruña, “recolle o malestar do tecido cultural herculino e pon en evidencia unha situación insostible e un modelo de xestión cultural marcado polo amiguismo, a falta de diálogo e a opacidade”.

O manifesto está respaldado por un tecido cultural amplo, diverso e recoñecido tanto en Galicia como no conxunto do Estado, “o que evidencia a gravidade dunha crise que transcende a cidade e afecta á imaxe e ao prestixio institucional da Coruña”.

Para Movemento Sumar Coruña, “esta situación non é un episodio illado, senón a consecuencia directa da falta de rumbo e de responsabilidade política da alcaldesa Inés Rey e do concelleiro de Cultura, Gonzalo Castro”.

“Durante anos advertiuse da deriva da Fundación Luis Seoane, da ausencia de procesos abertos e da falta de diálogo co sector cultural, pero o goberno local mirou para outro lado mentres a confianza do mundo da cultura se esfarelaba”. “O que está a pasar na Fundación Luis Seoane é o reflexo dun modelo de cidade que entende a cultura como un escaparate e non como un espazo común. As boas prácticas non se predican, aplícanse”, afirmou Trinidad Palacios, voceira de Movemento Sumar Coruña.

Por outra parte, a nosa voceira sinalou que “cando máis de 150 profesionais da cultura se ven obrigadas a asinar un manifesto pola dignidade, o problema xa non é técnico, é político. E require responsabilidades. A cultura non pode seguir sendo tratada como un ámbito de propaganda municipal”.

Desde Movemento Sumar Coruña esixen que “o goberno local explique publicamente as decisións adoptadas na Fundación Luis Seoane, que publique todos os procedementos vinculados á súa xestión, e que abra un proceso participativo real co sector cultural.
A cidade precisa ética pública, transparencia e planificación, non improvisación nin dependencia política nas súas institucións culturais”.

Máis novas do proceso

Máis de 150 personalidades da cultura herculina asinan un Manifesto “pola dignidade e as boas prácticas” na Fundación Luís Seoane

A Asociación Veciñal Oza, Os Castros e A Gaiteira quere escoitar os “Ecos do Barrio”

Redacción
-
0
A Asociación Veciñal Oza, Os Castros e A Gaiteira quere escoitar os “Ecos do Barrio”

A Asociación Veciñal Oza, Os Castros e A Gaiteira, vai realizar esta semana o lanzamento de “Ecos do Barrio”.

A primeira cita deste proxecto de recuperación da memoria será este xoves 14 de novembr, baixo o lema “Lembra o Noso Barrio”, un obradoiro aberto no que voncidan ás veciñas e veciños a compartir recordos, fotografías e vivencias sobre o barrio, acompañado dunha merenda comunitaria.

Podedes inscribirvos en ecosdobarrio@gmail.com ou pasarvos directamente pololocal da Asociación Veciñal Oza, A Gaiteira e Os Castros, na Av. do Exército, 52.

Presentación literaria

A entidade tamén prepara a presentación literaria para o vindeiro luns 17 do premiado libro do mestre Alberto Pombo.

Máis novas

Alberto Pombo e Manolo Rivas recolleron en Boborás os Premio Antón Losada Diéguez

Alberto Pombo teceu pontes na Barbería entre a música pop e a literaruta galega

 

Olladas doutro tempo: O Corralón da Gaiteira

 

LAMA ZETA rescatou o espírito do Mercado das flores de María Pita

Ubaldo Cerqueiro
-
0
LAMA ZETA rescatou o espírito do Mercado das flores de María Pita

A primeira edición do mercado LAMA ZETA tiña como obxectivo recuperar o espírito do Mercado das flores de María Pita. Coa idea de Sísimica e a dirección de Thais Suárez, este mercado sostible xuntou en ExpoCoruña a medio millar de persas interesadas en flores e cerámica, en decoración e xoiería sostible.

O público tivo a oportunidade de descubrir numerosas accións ao redor da natureza e a sustentabilidade a través os preto de corenta postos expositores, charla e talleres que se deron cita no recinto.

Thais Suárez
Thais Suárez, á dereita, presentando o evento

Unha fusión única en Galicia na que todos os participantes mostraron produtos creados a partir de elementos naturais ou reciclados. Os visitantes transitaron entre postos de xardinería como Cactusico con preto de 300 variedades de cactos á venda, roupa, cerámica, decoración para o fogar como Recendo Estudo, así como a caseta Cousas de can perfecto con alimentos para animais que se converteu nunha das paradas máis visitadas en evento pet friendly. Unha xornada que contou cun photocall creado por Thais Suarez a partir de elementos cedidos por Cerámica Campo, unha barra de cervexa Lupia e cunha caseta de Bico de Xeado.

Desde a apertura de portas numerosos curiosos que se converteron en compradores pasaron por Lama Zeta, onde ademais de visitar aos expositores tamén asistiron á charla da xornada a cargo de Os Biosbaros e Kibuz cooperativa. Os responsables transmitiron a esencia do proxecto común que desenvolven baseado no principios éticos do coidado á terra e as persoas e no aproveitamento dos recursos. “Buscamos recuperar a esencia a partir de facer as cousas dun modo distinto, con sentido e optimizando os recursos e os avances tecnolóxicos dos que dispoñemos”.

Tras eles chegou a quenda dos talleres matinais nos que preto de medio centenar de participantes traballaron seguindo as indicacións de Susana Anta para realizar xoias de cerámica desde o ferro inicial ata o resultado final que nalgúns casos foron pendentes e noutros colgantes. Pola súa banda os que asistiron á formación de Meniña Plants Flow realizaron un traballo de impresión vexetal sobre bolsas de tea.

8_11_25_LamaZeta_taller

 

LAMA ZETA contou con sesión vermú a cargo de Lilicleta. Momento no que se realizou o sorteo dun master de Enea Dixital Business School, no que resultou premiada Jasmina Ljubijankic, unha enxeñeira de camiños procedente de Bosnia que poderá escoller entre os ofertados polo centro. Xa pola tarde foi a quenda do taller a cargo de Flores Farándula a través do cal os rexistrados saíron de Lama Zeta cun centro de flores en mesa único realizado por cada un deles. Unha experiencia que permitiu aos participantes conectar coa natureza, do mesmo xeito que coa creación de kokedamas, esferas vexetal xaponesas que Espora Coruña ensinou como utilizar.

Ademais, o circulo da sustentabilidade estivo pechado xa que os elementos empregados para os postos e a decoración serán reutilizados polos estudantes do CIFP Someso.

Xurxo Souto lanza “A novela do Bravú”

Ubaldo Cerqueiro
-
0
Xurxo Souto lanza “A novela do Bravú”

Sae do prelo esta semana, pero Xurxo Souto xa algunha data de presentación do seu novo libro A novela do Bravú, [Ed. Xerais]. Unha das primeiras citas será o vindeiro sábado, 22 de novembro, ás 12:30 horas, cando o Mercado de Abastos de Muros converterase nun espazo de encontro entre a palabra, a música e o espírito bravú nun acto organizado pola ACRD Praia do Castelo.

O propio Xurxo, figura esencial da cultura galega contemporánea, presentará esta obra que afonda nun dos movementos máis singulares e vibrantes da historia recente da nosa música e identidade colectiva.

”É unha novela autobioráfica, na que conto todo o bonito que me aconteceu con esta marabilla colectiva”, relátanos. “Fun confeccionando historias, algunhas xa antigas que tamén peneirei, e contando este proceso vital, que naceu un día do 94 cando nos xuntamos en Chantada un fato de grupos e decidimos inventar unha etiqueta da música galega e a cousa resultou unha revolución marabillosa”, debulla.

O artista, que vén de gozar do XX aniversario no mesmo Castañazo, reivindica que “cando se fala do bravú, pensamos nunha serie de grupos, pero tamén está o elemento central, a visión crítica dunha parte da sociedade, da rapazada, do que estaba pasando, contra a imposición das cotas do leite á que se refire Tractorada dos Rastreros; ou ante da hipocresía do narcotráfico, a verdade poderosa do mítico tema dos Papaqueixos, Sito Miñanco, Preso Político.

Presentación e concerto en Muros

Xurxo Souto no Mercado de Abastos de Muros

En Muros, como parte do evento, o público poderá gozar dunha “Ópera Bravú”, unha proposta musical na que músicos e músicas do concello de Muros interpretarán algunhas das cancións máis emblemáticas deste movemento que marcou unha xeración e abriu novos camiños para o galego e a creación cultural.
Ao remate da presentación, celebrarase un xantar que servirá para continuar compartindo conversa, lembranzas e boa música nun ambiente festivo e de amizade.

Máis novas

Paixón telúrica na Gran Noite Coruñenta polos 30 anos do Bravú

Monte Alto redescubriu ás orixes dos Diplomáticos e o movemento bravú

Xurxo Souto: “Na Coruña somos un dos lugares con maior número de galegofalantes”

ARTIGOS DE XURXO SOUTO no XORNAL

Falece un pescador tras caer ao mar desde unha zona rochosa no Portiño

europapress
-
0
Falece un pescador tras caer ao mar desde unha zona rochosa no Portiño

Un pescador faleceu esta tarde na cidade da Coruña despois de caer ao mar desde unha zona rochosa. O accidente tivo lugar no Portiño, na parroquia de Visma, limítrofe con Arteixo. Ao redor das 16.00 horas, o 112 Galicia, que informa do sucedido, recibiu unha chamada dun particular que alertaba de que o home caera desde unha zona de rocas e xa non podía velo.

O helicóptero Helimer, de Salvamento, encargouse de levar a cabo o rescate. No operativo tamén participaron Urxencias Sanitarias de Galicia, Gardacostas, Bombeiros e Policía Local da Coruña e Policía Nacional.

 

Outras novas

Relembrando A fuxida do Portiño

En Vilo busca afianzar cunha campaña de micromecenazgo o museo musical da cidade

Ubaldo Cerqueiro
-
0
En Vilo busca afianzar cunha campaña de micromecenazgo o museo musical da cidade

Se Alan Lomax vivise no século XXI estaría na Tobeira de Oza. O etnomusicólogo estadounidense percorreu o mundo, e tamén Galicia, facendo recolleitas, gravacións da música popular, para que quedasen gardadas para vindeiras xeracións. Esa mesma filosofía ten o Proxecto en Vilo, que utiliza a súa Canle de Youtube como ese caixón de tesouros da música underground dos nosos tempos.

A idea de Pedro Silva é crear un “rexistro”, un “museo musical” pensado para que calquera persoa no 2050 poda ver o que acontecía na cidade en 2025.

400 artistas teñen pasado nos dous primeiros anos do proxecto, e para seguir medrando veñen de lanzar unha campaña de micromecenazgo a través da plataforma Verkami. Queda pouco, menos dunha semana para poder alcanzar os apenas 3.000€ que necesitan para mellorar a calidade das gravacións deste proxecto sen ánimo de lucro.

O proxecto trata de “Promover el Talento Emergente”, ofrecendo unha plataforma coidada, para crecer na escea musica, pero tamén pretende fomentar a diversidade musical, así como construír unha comunidade musical na cidade.

O Equipo de “En Vilo” está formado por Pedro Silva (dirección), Javier Fernández e Pedro Silva (son); Nico Vieites (Mezcla e máster); Gabriela Hernández e Santiago Hernández (dirección artística); Pedro Silva (edición e montaxe); Manuel Pallarés e Gabriela Hernández (cámara) e Ángel Caste (foto fixa).

Set de En Vilo na Tobeira
Set de En Vilo na Tobeira

Máis novas

O pub Neón reconvertido nun turreiro. O proxecto Pesquedellas repensa a foliada como retrato da mocidade galega

Pepe Cunha, 25 anos á fronte do mellor programa de música galega contemporánea, “Ábrete de Orellas”

Máis de 150 personalidades da cultura herculina asinan un Manifesto “pola dignidade e as boas prácticas” na Fundación Luís Seoane

Ubaldo Cerqueiro
-
0
Máis de 150 personalidades da cultura herculina asinan un Manifesto “pola dignidade e as boas prácticas” na Fundación Luís Seoane

Unha gran parte do sector cultural coruñés e galego vén de asinar un documento en contra das malas prácticas no recente concurso para a dirección da Fundación Luís Seoane, que destapou o Xornal da Coruña e que vén denunciando o colectivo cultural herculino, entidades do sector como ADACE e algún grupo da oposición.

Entre os máis de 150 asinantes figuran o coruñés Manuel Segade, director do Reina Sofía, a cineasta Margarita Ledo, o fotógrafo Xoan Piñón e a escritora Chus Pato.

MANIFESTO POLA DIGNIDADE E AS BOAS PRÁCTICAS NA CULTURA DA NOSA CIDADE

As persoas e entidades asinantes, vinculadas ao ámbito da cultura e das artes na Coruña e no resto de Galicia, queremos expresar públicamente o noso fondo malestar ante o recente proceso de selección da dirección da Fundación Luis Seoane, un concurso que evidenciou graves deficiencias, falta de transparencia e prácticas alleas aos principios de equidade e mérito que deben rexer a xestión cultural pública.

A Fundación Luis Seoane é unha das institucións máis valiosas do patrimonio contemporáneo do noso país. A súa situación actual — marcada pola inestabilidade, a improvisación e o abandono— non é un caso illado, senón o reflexo dun modelo cultural municipal sen planificación, sen diálogo e sen compromiso real co tecido artístico da cidade e alleo, ademáis, aos importantes debates culturais do momento presente.

Reclamamos do Concello da Coruña unha rectificación inmediata: a revisión do proceso de selección para a dirección da Fundación Luís Seoane, e a posta en marcha dun modelo de gobernanza baseado nas boas prácticas, na transparencia e na participación profesional e
cidadá. A cultura non pode seguir sendo tratada como un instrumento propagandístico nin como un espazo de nepotistmo e clientelismo.

A cultura é identidade, pensamento crítico e futuro. Non pode ser unha entidade secundaria nin decorativa. Exiximos respecto polo traballo dos creadores/as, das profesionais e das institucións que sosteñen o noso patrimonio común. Queremos unha política cultural pública estable, aberta e rigorosa, que faga da Coruña e de Galicia territorios de liberdade e creación, non de opacidade e improvisación.

Por unha cultura con ética, con planificación e con dereitos.
Pola dignidade das artes e pola responsabilidade pública.
Non máis malas prácticas. Non máis silencio. A cultura merece respecto.

ASINANTES

  • 1) Manuel Segade, director Museo Nacional Centro de Arte Reina Sofía
  • 2) Ana Romaní, escritora
  • 3) Margarita Ledo, directora de cine
  • 4) Ignacio Pérez-Jofre, Artista e Vicedecano Cultura, Facultade BBAA Pontevedra
  • 5) Suso de Toro, escritor
  • 6) Anxel Huete, artista
  • 7) Pepe Barro, deseñador, ilustrador e escritor
  • 8) Francisco Leiro, artista
  • 9) Celso Álvarez Cáccamo, profesor UDC
  • 10) Santiago Olmo, director CGAC
  • 11) Damián Ucieda, fotógrafo
  • 12) Eva Veiga, poeta
  • 13) Rosendo Cid, artista
  • 14) Carla Souto, artista
  • 15) Claudia Delso, investigadora e xestora cultural
  • 16) Paula Santomé, artista
  • 17) Alberto Ruiz de Samaniego, profesor e escritor
  • 18) Rodríguez-Mendez, artista
  • 19) Antón Lopo, escritor
  • 20) Xoán Piñón, fotógrafo
  • 21) Javier Pérez Buján, director artístico Fundación Laxeiro
  • 22) Berio Molina, artista
  • 23) Suso Montero, escenógrafo
  • 24) Luz Darriba, artista
  • 25) María Gil Martínez, historiadora da arte USC
  • 26) Tono Correa Corredoira, artista
  • 27) Pedro de Llano Neira, profesor historia da arte USC
  • 28) Xavier Seoane, escritor
  • 29) Misha Bies Golas, artista
  • 30) Ruth Varela, presidenta da delegación da Coruña do COAG
  • 31) Paula Barreiro, investigadora e profesora universidade Toulouse II
  • 32) Mercedes Rosón, xestora cultural
  • 33) María José Ruiz Vázquez, restauradora
  • 34) Álvaro Negro, artista
  • 35) Vicente Blanco, artista e profesor USC
  • 36) Francisco Salas, galerista
  • 37) Emma Crichton, fotógrafa
  • 38) Pablo Fidalgo, escritor e curador
  • 39) Rosalía Pazo Maside, artista
  • 40) María Marco, crítica de arte
  • 41) Juan de Nieves, curador independente
  • 42) Almudena Fernández Fariña, artista
  • 43) Germán Labrador, investigador e curador
  • 44) Salvador Cidrás, artista e profesor USC
  • 45) Chus Pato, poeta
  • 46) Alejandra Pombo Su, artista
  • 47) Lalo Vilariño, activista cultural
  • 48) Luz Pichel, poeta
  • 49) Ángel Calvo Ulloa, curador independiente
  • 50) Lois Patiño, director cine
  • 51) Juan Canela, curador MAC Panamá
  • 52) Chus Villar, galerista
  • 53) Sabrina Fernández Casas, artista
  • 54) Xosé María Alvárez Cáccamo, escritor
  • 55) Elena Pérez-Ardá López, C-MAP coordinator International Program, MoMA
  • 56) Diego Vites, artista
  • 57) Miriam Pérez Fernández, galerista
  • 58) Ana Cermeño, xornalista
  • 59) Nicolas Combarro, artista e curador
  • 60) Ralf Juergens, presidente asociación cultural do Picho
  • 61) David Barro, director de Es Baluard Museo d’Art Contemporani de Palma
  • 62) Luis López Alonso, escritor
  • 63) Asunta Rodríguez, galerista
  • 64) Mónica Caamaño, actriz
  • 65) Iago Carro, Ergosfera
  • 66) José Manuel Sande, escritor e programador cinematográfico
  • 67) Cesáreo Sánchez Iglesias, presidente AELG
  • 68) Susana González, curadora e xestora cultural
  • 69) Pepe Coira, guionista
  • 70) Xurxo Taxes, historiador e comisario
  • 71) Alejandra Lata, libreira
  • 72) Javier de la Rosa, artista
  • 73) Mónica Mura, artista multidisplinar
  • 74) María José Rodríguez Blanco, coleccionista
  • 75) Verónica Moar Suárez, artista
  • 76) Violeta Janeiro, historiadora da arte
  • 77) Manuel Vázquez, artista e deseñador estratéxico
  • 78) Miguel Leiro, deseñador
  • 79) Imanol Bértolo, editor
  • 80) Fran Rodríguez Casal, fotógrafo e editor
  • 81) Mela Dávila Freire, investigadora e editora independiente
  • 82) Isabel Bugallal, xornalista
  • 83) Antonio Cervera Fontenla, xestor cultural, curador e investigador
  • 84) Manuel Outeiriño, Profesor da USC
  • 85) Rexina Vega, Profesora e escritora
  • 86) Ignacio Castro, filósofo
  • 87) Luisa Iglesias, economista
  • 88) Natalia Balseiro, xestora cultural
  • 89) Jesús Valmaseda, Escultor
  • 90) Alberte Branco, director de fotografía
  • 91) María Pilar Campo Domínguez, Escritora
  • 92) Carlos Maciá, artista
  • 93) Irene Grau, artista
  • 94) José Manuel Mouriño, investigador e cineasta
  • 95) Alba Cacheda, mediadora cultural
  • 96) Juan Adrio, artista e director EASD Mestre Mateo
  • 97) Xulio L. Valcárcel, escritor e editor
  • 98) Rocío Fraga Sáenz, socióloga e técnica de igualdade
  • 99) Diego Santomé, galerista
  • 100) Carmen Ciller Tenreiro, directora máster cine UC3M
  • 101) Celda Pesqueira, arquitecta
  • 102) Fernando Blanco, pintor e arquitecto
  • 103) David Garabal, historiador da arte
  • 104) Carlos Suárez López, coleccionista
  • 105) María Peña Lombao, crítica de arte ABC Cultural
  • 106) Fátima Otero Bouza, crítica de arte
  • 107) María América Díaz, xestora e comunicadora cultural
  • 108) Mery Pais, artista
  • 109) Xelis de Toro, escritor
  • 110) Carmen Verdú, fotógrafa
  • 111) Manolo Paz, escultor
  • 112) Henrique Rabuñal, poeta e escritor
  • 113) Marisa Sobrino, catedrática historia da arte USC
  • 114) Ramón Nicolás, docente e crítico literario
  • 115) Suso Fandiño, artista e investigador
  • 116) Adolfo Sobrino, galerista
  • 117) Alba Marinho Souto Carrillo, historiadora da arte
  • 118) Baldo Ramos, poeta e pintor
  • 119) Luciano Rodríguez, crítico literario e tradutor
  • 120) Miguel Anxo Fernán Vello, escritor e editor
  • 121) Francisco Sampedro, filósofo
  • 122) Xosé Lois Gutiérrez, editor
  • 123) Fidel Vidal, Psiquiatra
  • 124) Joel Blanco, deseñador
  • 125) Tatiana Medal, artista
  • 126) Iria Ramos, historiadora da arte
  • 127) Lois Bua, artista
  • 128) Daniel Amarelo, investigador e profesor UOC e EOI
  • 129) Rubén Santiago, artista
  • 130) Manuel Eirís, artista e profesor
  • 131) Juan Outeiral Bar, coleccionista
  • 132) Xiao Varela Gómez, arquitecto
  • 133) Felipe Lage Coro, productor de cine
  • 134) Carme Nogueira, artista
  • 135) Carlos Ares, guionista
  • 136) Marina Río Fra, traballadora cultural
  • 137) Xurxo Chirro, cineasta e historiador
  • 138) Martin Pawley, crítico de cinema e divulgador científico
  • 139) Plácido Lizancos, profesor Escola Arquitectura UDC
  • 140) Ánxeles Cuña Boveda, directora de Sarabela Teatro
  • 141) Patricia Gabeiras, abogada
  • 142) Jorge Varela, artista e profesor de Belas artes UVigo
  • 143) Sofía Santos, profesora USC
  • 144) Ainhoa Fernández Moreira, xestora cultural
  • 145) Paula Lage, empresaria
  • 146) Cristina Sánchez, arquitecta
  • 147) María Pilar García Negro, escritora
  • 148) Arturo Casas, catedrático da USC
  • 149) Anxo Cabada, fotógrafo
  • 150) Borja Santomé, artista
  • 151) Carlos Méixome, historiador
  • 152) Manuel Forcadela, profesor da USC
  • 153) Manolo Figueiras, artista
  • 154) Xosé Fraga, científico e escritor
  • 155) Vítor Mejuto, pintor
  • 156) María Barros, deseñadora
  • 157) Pepe Galán, escultor

Novas do proceso

Correa Corredoira: “Fago un chamamento á refundación da Luís Seoane”

O BNG e Sumar tamén denuncian o polémico concurso da Fundación Luís Seoane

ADACE cuestiona “a equidade do concurso e a confianza na gobernanza da Fundación Luís Seoane”

O concurso da praza de “directora substituta” da Fundación Luís Seoane, novo exemplo do abandono dunha da xoias culturais da cidade

1...232425...653Page 24 of 653

Xornal da Coruña é o primeiro gran xornal dixital exclusivamente en galego da Coruña e a súa área metropolitana

Contacta: redaccion@xornaldacoruña.gal

SÍGUENOS

© Xornal da Coruña - Xurimaru Servizos de Comunicación 2010 S.L.

QUE É XdC? | AVISO LEGAL | PUBLICIDADE | COOKIES