A Fundación Secretariado Xitano da Coruña recibía onte a visita institucional comandada pola subdelegada do Goberno na provincia María Rivas e a xefa da Unidade Contra a Violencia sobre a Muller da Subdelegación do Goberno na Coruña, Manuela Vilaboy, no marco dos actos con motivo do 8M, Día Internacional da Muller.

A directora territorial da entidade en Galicia, Eva Vera, e a coordinadora da fundación na Coruña, Maite Serra, recibiron a comitiva e debullaron o traballo de inclusión das 13 persoas que traballan no centro situado no Peruleiro, un dos tres que ten a fundación na provincia xunto aos de Santiago e Ferrol.

A entidade traballa a día de hoxe con máis de 2.500 personas en Galicia, a través de proxectos singulares, como o “Programa Calí”, que promove a igualdade das mulleres xitanas e que xa vai pola súa terceira edición.

Un programa destinado ao empoderamento das mulleres xitanas mediante a adquisición de competencias que as axuden no seu desenvolvemento e independencia persoal, en clave de inserción laboral e participación cidadá e social. Un programa que rompe barreiras, elimina prexuízos e estereotipos dentro e fóra da comunidade.

Este programa, indicou, permitiu atender a 116 mulleres en Galicia en 2023 a través de itinerarios individualizados, ademais de abordar 35 casos de discriminación e realizar 29 sesión de sensibilización en
conciliación e igualdade de xénero, prevención de violencia de xénero e igualdade de trato e non discriminatorio.

A entidade ten tamén un programa con mulleres que sofren situacións de violencia de xénero para que poidan ter acceso aos recursos especializados, que este ano inclúe, por primeira vez, un recoñemento da especifididade das mulleres xitanas.

Material informativo e educativo

A subdelegda e a xefa da Unidade Contra a Violencia sobre a Muller tamén aproveitaron a visita para facer entrega á fundación de material informativo dos servizos de atención e protección a mulleres vítimas
da violencia machista (Atempro); dos centros COMETA; do teléfono 016, e da aplicación Alertcops da Policía Nacional. Ademais, indicaron que poden solicitar servicios específicos da Subdelegación, como a presenza de MAVI, a maleta viaxeira que leva contos vinculados coa violencia de xénero para que as crianzas poidan identificala con claridade.

Máis novas

A escolarización, a inserción laboral e o coñecemento da cultura, os camiños do Secretariado do Pobo Xitano para unha integración real

Sofía Vázquez, a xitana de Mulleres Colleiteiras: “Onde antes nos pechaban portas, agora nos chaman polo noso bo facer”