Inicio Blog Páxina 359

Pincha: A hostalería coruñesa xa ten referente

Ubaldo Cerqueiro
-
0
Pincha: A hostalería coruñesa xa ten referente

Acollía onte o restaurante Siccilia in Boca a singular festa sen glute que artellou a Revista Pincha co gallo do seu 7º aniversario. Case un centenar de persoas achegouse para celebrar a publicación do nº50 desta revista centrada na gastronomía, na hostalería e na cultura do país, escrita integramente en galego (é compañeira na Asociación de Medios en Galego).

Nada en Santiago, a revista saca dende novembro de 2022 un exemplar, en papel, ao mes, alternando unha edición coruñesa e unha compostelá. Un espazo onde a gastronomía e a hostalería da nosa cidade cobra auténtico protagonismo, con entrevistas, reportaxes… contidos moi coidados da man da súa directora Rebeca Munín, e fermosas fotos de Iván Barreiro.

Rebeca Munin no aniversario de Pincha

Alguns exemplares da revista Pincha

O evento foi organizado xunto co estudo creativo de comunicación Lenzo, un evento no que se serviron petiscos cen por cen aptos para persoas celíacas. ‘Porque sen glute tamén hai festa’ foi o lema desta foliada na que colaboraron a Asociación de Celíacos de Galicia (ACEGA), o restaurante Sicilia in Bocca, a tenda sen glute La de Rosi, Cinzano e Aperol.

“Cremos que é importante que a hostalaría se comprometa con ser un sector cada vez máis inclusivo, no que se teñan en conta todas as sensibilidades. Na maior parte dos eventos, as persoas celíacas ou ben non poden comer nada ou, con sorte, teñen un prato á parte. Incluso moitas veces nin se atreven a probalos porque non poden estar seguros de se son verdadeiramente sen glute. Desta vez, quixemos facer algo para elas. Un evento no que demostremos que sen glute, tamén hai festa”, sinalou a directora da publicación, Rebeca Munín. A xornalista amosou o seu agradecemento a todas as persoas que traballan na revista, así como aos anunciantes e lectores e lectoras, que fan posible que o proxecto siga adiante.

A revista en papel distribúese de xeito gratuíto en bares, restaurantes, centros socioculturais e outros puntos de interese das dúas localidades. Podedes botar un ollo na marea de lugares onde podedes atopar un exemplar da Revista Pincha na Coruña.

A AELG fía o novo roteiro “A Coruña de Luisa Villalta”

editor
-
0
A AELG fía o novo roteiro “A Coruña de Luisa Villalta”

Xa temos percorrido no marco do Roteiro dos Medios en Galego, parte da historia de Luisa Villalta na nosa cidade. A AELG Asociación de Escritoras-es en Lingua Galega vai profundizar no Roteiro A Coruña de Luísa Villalta: os sotos baixo a pel de cemento, guiado por Inma Otero Varela que terá lugar o sábado 25 de maio, a partir das 12:00 horas, na cidade da Coruña.

Otero é unha autora do país que exercerá de guía facendo posible que a cidadanía goce persoalmente dos espazos físicos na súa relación coa memoria literaria. A partir do poemario En concreto e da novela Teoría de xogos pódese trazar un mapa social e mítico da Coruña oculta, a que se sitúa do lado que perde, malia a ser a trabe da cidade. Luísa Villalta reivindica as marxes, tamén as urbanas, na encrucillada que abeira o novo milenio. Formigón, leiras, ríos soterrados e vento vixiado polo ollo do faro balizan todos os espazos.

As persoas interesadas poden inscribirse no correo electrónico oficina@aelg.org, indicando o seu nome e apelidos. A inscrición realizarase por orde cronolóxica de chegada das solicitudes, dándose a coñecer ás persoas anotadas o punto de saída.

Máis novas

 

Papagaio, o barrio da prostitución de Monte Alto que inmortalizou Luisa Villalta

 

 

Chega á Coruña, 14 anos despois, o prometido AVE

Ubaldo Cerqueiro
-
0
Chega á Coruña, 14 anos despois, o prometido AVE

Con 14 anos de retraso (si, as primeiras promesas aseguraban que a infraestrurura ía estar dispoñible en 2010…) chegou o primeiro AVE á estación de San Cristóbal. Aqueles anos de parón do goberno popular da galega Ana Pastor, ou os eternos retrasos nas obras do último lustro, fan que a poboación mire de esguello esta histórica estrea.

Xa que mentres os gobernos nos afirman que debería ser unha gran nova para o país, en Galicia seguimos solicitando infraestruturas de conexión interna, e parece surrealista que sexa máis rápido ir en tren de Coruña a Madrid, que da capital de Galicia, Santiago, a unha capital de provincia como Lugo.

Primeiros retrasos

Tralo simulacro do pasado venres 17 de maio, fletado por unha completa comitiva política, hoxe, martes 21 de maio de 2024 saía de Madrid Atocha o primeiro AVE destino a Coruña, que por fin evitaba ter que facer o trasbordo en Ourense, para poder chegar á capital de España en pouco máis de 3 horas e 30 minutos.

Tamén se estreaba o tren AVE Avril Vigo-Madrid, e facíao case en clave humorística, pois sufría antes chegar a Ourense unha incidencia no suministro eléctrico, que provocaba que os 500 pasaxeiros sufrisen máis de 2 horas de retraso na súa viaxe cara Madrid…

Asi e o tren AVE por dentro
Así é o AVE por dentro

Democratización?

Pero hai moitas outras cousas que revisar neste servizo de transporte público. O AVE S106 tarda 3h33’, pero é que segundo os datos da propia Renfe, a liña completa de AVE apenas adianta 4 minutos con respecto ao Avant que fai trasbordo en Ourense para cambiarse ao AVE, que aínda será a opción máis avitual.

Ademais, polo de agora só unha conexión completa en tren AVE ao día, só de luns a venres, e chegando ás 23:30h a Madrid (non sabemos moi ben para que serve o servizo). De Madrid a Coruña sae ás 14:40, chegando sobre as 18:15 á estación herculina.

Outro dato son os prezos. Ademais das ofertas para as primeiras semanas (hai algún día a partir de 29€ a ida), os prezos comezan a partir de 67 euros.

A democratización do servizo de transporte ferroviario debería ser unha prioridade.

O (S8) Mostra de Cinema Periférico converte A Coruña no centro mundial do cinema de vangarda

editor
-
0
O (S8) Mostra de Cinema Periférico converte A Coruña no centro mundial do cinema de vangarda

Do 31 de maio ao 9 de xuño, a 15ª edición do (S8) Mostra de Cinema Periférica da Coruña, volverá situar á cidade herculina no centro da vangarda cinematográfica.

Así o debullaban os seus directores, Ana Domínguez e Ángel Rueda, na presentación oficial   realizada na Domus da Coruña, unha das sedes do evento, xunto á Sala Palexco, Filmoteca de Galicia e Fundación Luis Seoane. 5 salas nas que se irán proxectando 142 pezas e 31 estreas absolutas, entre as que hai un fío condutor: a potencia creativa das cineastas mulleres.

Presentacion s8 Cinema periferico Coruna 2024
Na presentación participaron representantes das entidades colaboradoras: Concello da Coruña, Xunta de Galicia, Deputación da Coruña, Acción Cultural Española (A/CE) e a marca Cervezas Alhambra.

Os directores explicaron que o tarot inspira a imaxe 2024 do festival en homenaxe ao cineasta norteamericano Kenneth Anger, falecido en 2023. O autor do famoso libro Hollywood Babylon, publicado en 1965 e en cuxas páxinas desfilaba o máis escabroso da industria do show business, será homenaxeado na inauguración de (S8) o 31 de maio, coa sesión “O cine de Thelema”, na que se proxectarán na Filmoteca de Galicia os seus filmes Lucifer Rising e Inauguration of the Pleasure Dome.

As artistas mulleres

As artistas mulleres copan a programación do festival, que ofrece máis de 140 obras ao público que se achegue ao (S8). O discurso fílmico das creadoras de vangarda imponse como realidade innegable nunha programación que atravesa a obra de referentes como Narcisa Hirsch –coa primeira gran retrospectiva tras o seu falecemento e a quen se dedica este ano o festival– ou a estadounidense Margaret Honda, dedica programas ao cinema underground de Annalisa D. Quagliata e á memoria da diáspora de Franci Durán, presenta unha nova sección “Sinais Latinoamérica” na que exclusivamente veremos obras de mozas creadoras, descubriranos a Rhayne Vermette, cineasta Métis -un dos tres pobos aborígenes recoñecidos en Canadá- ou nos levará ao cinema expandido da sección “Desbordamentos” da man de Gaëlle Rouard e Lynn Loo.

Vangarda galega

Dentro da programación do (S8) 2024, a vangarda galega máis nova estará representada na sección “Sinais” cos traballos de Iago Lourido, Yasmina Farhani Luaces, e Pablo Agma, recente gañador das bolsas ao desenvolvemento ese8_LAB, organizadas polo festival.
Por outra banda, a obra da artista de Xinzo de Limia, residente en Barcelona, María Ruído protagonizará o programa monográfico en liña “Ultreia et suseia”, dedicado cada ano ás voces máis destacadas do cinema galego actual. A programación do (S8) contará con 18 pezas de autoría galega.

Canadá: 30 anos Film Farm

O (S8) sempre tivo os seus ollos postos en Canadá, por ser un dos territorios de maior actividade e historial en relación ao cinema experimental. A Film Farm, proxecto comandado por Phil Hoffman, que estará na Coruña, cumpre 30 anos e sempre foi inspirador para a Mostra da Coruña, tal como explicaronn os seus directores. Nunha granxa na provincia de Ontario, cada ano congréganse un grupo de artistas para aprender e compartir técnicas de revelado e manipulación analóxica, para filmar, visionar e compartir cinema nunha contorna natural, xerando así unha experiencia transformadora. Algúns dos traballos alí creados poderanse ver na Coruña.

A cineasta Rhayne Vermette, con recoñecemento internacional tras o paso pola Berlinale e por Toronto co seu primeiro longo Ste. Anne, e a chilena afincada en Canadá, Franci Durán, cuxo traballo, relacionado coa Film Farm, enráizase na experimentación con soportes fotoquímicos, son outras das protagonistas do foco canadense do 15º (S8).

Desbordamentos

“Desbordamentos”, a sección do festival dedicada ao cinema expandido que ten lugar na Fundación Luis Seoane, acolle este ano a dous artistas que transitan ese camiño: Gaëlle Rouard e Lynn Loo. De Rouard, unha das fundadoras do mítico Atelier MTK en Grenoble, poderemos ver entre outras, a súa película Darkness, Darkness, Burning Bright que se estreou no Festival de Róterdan e gañou o Premio á Mellor Película Experimental do festival Curtas Vila do Conde. Lynn Loo, música e cineasta orixinaria de Singapura radicada en Londres, explora o cinema expandido con filme performances nos que emprega varios proxectores de 16 mm funcionando á vez.

O (S8) da Coruña acende a súa conta atrás

(S8) 2024 en cifras:

  • Pezas a proxectar: 142 piezas
  • Estreas: Mundiais – 31 / Internacionais 25 / Estatais – 53
  • 20 nacionalidades dos filmes: Canadá – Argentina – EE.UU – Francia – México – Perú – Austria – Holanda – Reino Unido – España – Chile – Portugal – Colombia – Puerto Rico – Brasil – Irán – Australia – Xapón – Alemaña – Romanía.
  • Pezas de autoría galega: 18 piezas
  • Número de cineastas conidadas/os: 60 cineastas
  • Estudantes acreditados/as: 21
  • Número de film performances: 6
  • Sedes: 5: Palexco, Domus, Fundación Luis Seoane e Filmoteca de Galicia
  • Actividades paralelas: Formativas – 3 / Profesionais – 2
  • Escolares participantes en actividades de la Mostra: 440 escolares

 

VER AQUÍ O PROGRAMA COMPLETO DO (S8)

Carmen Jiménez, directora temporal da Fundación Luís Seoane

monchomarino
-
0
Carmen Jiménez, directora temporal da Fundación Luís Seoane

A experta en conservación Carmen Jiménez dirixirá temporalmente a Fundación Luís Seoane ata a elección da nova dirección mediante concurso, segundo informa o consistorio.

A comisión executiva da Fundación aprobou o nomeamento transitorio da xestora cultura, experta en conservación e restauración do patrimonio.

Desde a súa nova responsabilidade, actuará como directora e conservadora da institución na que xa traballa, inventariando a obra non gráfica de Seoane.

Jiménez, licenciada en Belas Artes, dirixiu e realizou, durante a súa traxectoria laboral, importantes proxectos de restauración como os traballos sobre diversas obras de Urbano Lugrís.

Recepción na Coruña de embaixadores da UE cun discurso da alcaldesa defendendo a democracia

europapress
-
0
Recepción na Coruña de embaixadores da UE cun discurso da alcaldesa defendendo a democracia

A alcaldesa da Coruña, Inés Rey, reivindicou a “tradición europeísta” da cidade nunha visita de 23 embaixadores e embaixadoras dos estados membros da Unión Europea. Tamén se referiu a a situación internacional e reclamou a protección e defensa da democracia, a soberanía e os dereitos humanos como apoio do Estado de Benestar.

“A Coruña, como Europa, é símbolo de progreso e diálogo e hoxe temos outro exemplo do asentada que está entre nós esa idea”, sostivo na recepción institucional no Palacio Municipal de María Pita.

“Actos como os de hoxe supoñen unha reafirmación do noso espírito aberto, forxado grazas á tradición portuaria que nos levou sempre a mirar cara ao exterior con ollos atentos e receptivos e profundamente europeos”, sinalou. A rexedora sostivo tamén que A Coruña e Galicia son estratéxicas para tecer relacións europeas e internacionais con España.

En total, a delegación diplomática estivo conformada por embaixadores e embaixadoras, xunto coa cónsul honoraria de Bélxica, de 23 dos 27 estados membros da Unión Europea.

En concreto, foron Croacia, Francia, Suecia, Portugal, Bélxica, Eslovenia, Lituania, Chipre, Letonia, Bulgaria, Hungría, Finlandia, Luxemburgo, Irlanda, Grecia, Alemaña, Austria, Polonia, Países Baixos, Dinamarca, Estonia, Eslovaquia e Italia. A alcaldesa estivo acompañada da corporación, xunto con representantes de entidades sociais e empresariais da cidade.

O pleno de Cambre aproba o pago de 2,1 millóns de facturas pendentes a provedores de 2023

europapress
-
0
O pleno de Cambre aproba o pago de 2,1 millóns de facturas pendentes a provedores de 2023

O pleno de Cambre  aprobou, nunha sesión extraordinaria e de urxencia, un recoñecemento extraxudicial de crédito de 2,1 millóns de euros, “que permitirá liquidar, con cargo ao orzamento en vigor, parte das facturas que o Concello debe con provedores de servizos”, informa o consistorio.

Entre eles, estará a de limpeza de instalacións municipais, o mantemento de iluminación exterior ou o servizo limpeza viaria, segundo expuxo o concelleiro da área de Economía e Facenda, Daniel Mallo.

A medida foi aprobada cos votos a favor de Unión por Cambre e a abstención dos demais partidos políticos da corporación. Unha alternativa que implica “dar outro paso máis, o máis importante diría eu, que é pagar parte da débeda que desde hai un ano temos pendente con moitas empresas”, apuntou a alcaldesa, María Pan, pertencente a UxC.

Parque Ciudad “Monte Martelo”, un parque que cambia unha cidade

Ubaldo Cerqueiro
-
0
Parque Ciudad “Monte Martelo”, un parque que cambia unha cidade

Hai proxectos que cambian a fisionomía dun barrio. E tamén hainos que cambian a dunha cidade. O do Parque Ciudad Monte Martelo é dun deses. Un proxecto que nace da cidadanía, que trata de recuperar unha zona esquecida, rescatar un río que no seu día se agochou debaixo do asfalto, para convertirse nun gran pulmón verde na entrada da cidade.

Detrás da proposta se atopa a Asociación Monte Martelo, que trata de unificar e defender as necesidades dos barrios de As Rañas, Birloque, Cabana, Martinete, Someso, San Cristovo das Viñas e O Bosque. Herdando as fronteiras da case desaparecida Asociación Os Anxos, desenvolven un arduo traballo, moitas veces na sombra, para acadar, por exemplo derrubamento do esqueleto do Martinete, formulado para principios de 2025.

8 anos en marcha

Amar explicando o Parque Ciudad a vecinanza doutros barrios en 2021
Amar Bašic explicando o Parque Ciudad á veciñanza doutros barrios en 2021

Pero o gran proxecto que saben que pode cambiar a cidade é do Parque Ciudad Monte Martelo, que se situaría entre o Polígono de Pocomaco, Expo Coruña, O Birloque, O Marinete… Unha idea que nacía hai 8 anos, na cabeza de Amar Bašic (@martineteiro), un tripulante de voo croata, que acabou en Galicia como bebé refuxiado pola guerra dos Balcáns nos anos 90.
Afincado no Marinete saía sempre a pasear ao seu can, e acabou por decatarse do potencial que ten este barrio esquecido de apenas 22 rúas polas que agora pelexa dende a entidade veciñal.

Daquela propuxera nos Orzamentos Participativos o proxecto do Parque Unión, o que foi o xérmolo deste Parque Ciudad. E daquela xa mantivera reunións co entón rector da UDC, Julio Abalde, que lle puxera en contacto con outra idea de recuperación ambiental que tamén estaba en marcha.

Río de Monelos

Amal Nnechachi explicando o seu traballo de recuperacion do Rio de Monelos
Amal Nnechachi explicando o seu traballo de recuperación do Río de Monelos

Xa é pequeno o mundo para que se xunten, no Martinete, un croata chamado Amar, e unha marroquí chamada Amal, intentando recuperar medioambientalmente un dos barrios máis esquecidos da cidade. O caso é que Amal Nnechachi, enxeñeira de Camiños, estaba facendo unha tese sobre a Recuperación do Río de Monelos, aí comezaron a traballar xuntos.

En 2021 o proxecto deu un salto. Xa coa Asociación Monte Martelo involucrada o proxecto pasou a criba do pleno municipal, cunha moción aprobada por unanimidade. Importante foi unha reunión 17 de maio de 2021, con axentes doutros barrios, de Eirís, Matogrande, Elviña, Palavea, Mesoiro… e de aí saíu unha idea que segue enriba da mesa: xuntar todos os barrios da cidade a través de sendas verdes; facer un corredor verde por toda a cidade, que una os barrios. Unha idea que si que cambiaría a fisionomía da cidade e nos achegaría moito ao concepto urbanístico da europa máis moderna.

O proxecto foi medrando e o Concello da Coruña xa o fixo propio. O ano pasado estivo a piques de saír escollido nunha convocatoria de subvencións emitida da Fundación Biodiversidad do Ministerio para la Transición Ecológica. Este ano o Concello, coa colaboración da UDC, volverá intentar conseguir Fondos Europeos para desenvolvelo, tras acordar un aumento do espazo de actuación, e cun proxecto moi solvente, “moi sólido”, afirma Amar, que engloba 70.000 metros cadraados.

Caos urbanístico; fácil acceso

Xa no seu día o que foi edil de urbanismo, Juan Díaz Villoslada apuntaba o seu potencial, pero tamén a necesidade de desenvolver un Plan Integral de Urbanismo para facer o proxecto con moito mimo. Porque falamos dunha zona moi ben conectada con toda a cidade (de feito pasa o carril bici que vai camiño do campus de Elviña), pero tamén caótica urbanísticamente. “É certo que hai moito terreo privado, pero moito da Sareb, e si que habería proxectadas expropiacións pero non de vivendas en uso”, asegurar. “A idea é adecuar o parque ao terreo que hai”.

Conscientes de que se trata dunha batalla a longo prazo, seguirán loitando paso a paso polo fermoso e transformador proxecto.

Máis novas

Alegría no Martinete pola licitación do derrubamento do “mamotreto”

A sombra de 30 edificios ameaza San Pedro de Visma

Atopan con vida ao home de 81 anos desparecido dunha residencia de Cambre

editor
-
0
Atopan con vida ao home de 81 anos desparecido dunha residencia de Cambre
A Garda Civil atopou na mañán deste luns a un ancián desaparecido de forma voluntaria do centro da terceira edade Residencial Bribes de Cambre. Foi sobre as 10.15 horas candop foi localizado con vida. Precisaba de medicación debido á enfermedade de parkinson que sofre.
O home marchou voluntariamente este domingo da residencia e, desde entón, as forzas de seguridade andaban na súa procura. Participron a Guardia Civil de Cambre, Policía Local, Protección Civil e voluntarios.
Tras suspenderse a busca durante a noite, volveuse reanudar durante a mañán sendo localizado polo helicóptero da Garda Civil nunha zona boscosa e de difícil acceso de Cecebre. De feito, foi rescatado polo propio helicóptero e trasladado a unha zona de Bribespara facilitar o acceso á ambulancia e a súa posterior evacuación ao centro hospitalario.
Home que estaba desaparecido e foi atopado por un helicóptero / Garda Civil

Morre un hombre de 60 anos tras caer da moto en Matogrande

europapress
-
0
Morre un hombre de 60 anos tras caer da moto en Matogrande

Un home de 60 anos que ía a bordo dunha moto morreu na mañá deste martes tras sufrir unha caída contra a mediana na cidade da Coruña, concretamente en Matogrande.

Segundo informan fontes dos servizos de emerxencias consultados por Europa Press, ocorreu na AC-10 sobre as 9.30 horas, cando varios particulares chamaban ao 112 para alertar da caída. Ao parecer, o condutor perdeu o casco polo golpe.

Con estes datos, o 112 avisou do accidente á Policía Local da Coruña e a Urxencias Sanitarias-061, que mobilizou ata o lugar unha ambulancia de soporte vital básico e outra de soporte vital avanzado. Con todo, os servizos médicos desprazados ao momento tan só puideron confirmar o falecemento do motorista.

1...358359360...723Page 359 of 723

Xornal da Coruña é o primeiro gran xornal dixital exclusivamente en galego da Coruña e a súa área metropolitana

Contacta: redaccion@xornaldacoruña.gal

SÍGUENOS

© Xornal da Coruña - Xurimaru Servizos de Comunicación 2010 S.L.

QUE É XdC? | AVISO LEGAL | PUBLICIDADE | COOKIES