Páxina 12 – Xornal da Coruña – Noticias da Coruña e área Metropolitana

“Nadando na incerteza”, o novo disco da “cantora” Sés, xa nas plataformas

CULTURA

-

28 Novembro, 2025

“Nadando na incerteza”, o novo disco da “cantora” Sés, xa nas plataformas

A cantora coruñesa Sés publica hoxe Nadando na incerteza, o seu novo traballo discográfico, un libro-disco acústico, íntimo e fundacional que inaugura unha nova etapa na súa traxectoria e consolida o seu lugar como unha das creadoras máis singulares e independentes da música galega. Xa podedes atopalo en todas as plataformas.

Con máis dunha década de carreira e nove discos publicados, Sés reafirma con este proxecto o seu compromiso absoluto coa canción, coa autenticidade e co control creativo de todo o proceso artístico.

O disco, que está creado con total liberdade artística, non ten “sobreproducións nin artificios: non hai batería, as voces respiran, os arranxos son mínimos e precisos, e cada tema foi concebido para defenderse por si mesmo.

“Non son cantante, son cantora; necesito identificarme co que canto”, afirma Sés, quen presenta este disco como un exercicio de artesanía musical e sinceridade radical. Nadando na incerteza publícase como libro-disco, no que cada canción vai acompañada dun texto da autora que amplía o seu significado e ofrece ao público unha lectura máis profunda do universo creativo de Sés.

Unha nova xira para presentar o disco

A cantante coruñesa percorrerá Galicia no inicio de 2026 cun espectáculo que afonda na súa proposta máis esencial e honesta, fiel á súa traxectoria independente.

Sábado 10 e domingo 11 de xaneiro – A Coruña – Teatro Colón
Sábado 17 de xaneiro – Vigo – Teatro Afundación
Sábado 24 de xaneiro – Lugo – Auditorio Fuxan os Ventos
Sábado 31 de xaneiro – Ourense – Auditorio Municipal
Sábado 7 de febreiro – Narón – Pazo da Cultura

Máis novas musiqueiras

Este venres, Ruada no Ágora

Fransy González emocionou ao Colón coa súa xenuína harmonía entre a música de raíz e a clásica

Pepe Cunha, 25 anos á fronte do mellor programa de música galega contemporánea, “Ábrete de Orellas”

O Lembranza Rock dá unha lección de compromiso

O persoal de JEVASO secundará unha folga o luns para esixir á empresa cumprir o pacto de melloras

europapress

-

28 Novembro, 2025

0

O persoal de JEVASO secundará unha folga o luns para esixir á empresa cumprir o pacto de melloras

O comité de Jevaso e as organizacións sindicais CIG e UGT convocaron unha nova xornada de folga para este luns, día 1. O obxectivo é esixirlle á empresa o “estrito cumprimento do acordo de melloras asinado para o centro de traballo de Arteixo e que abone de inmediato os conceptos retributivos que marca o convenio colectivo de referencia, así como os conceptos salariais que regula o pacto de empresa”.

Así o explican as organizacións sindicais en senllos comunicados. Esta será a segunda mobilización tras o paro xeral desenvolvido o pasado luns, “que rexistrou un seguimento do 90% do persoal”, sinalan. Tamén denuncian o “empeño disuasorio exercido pola empresa” para que os empregados non o secundasen.

A folga, concretan, afectará “a todo o persoal, tanto contratado directo — unhas 700 persoas — como de ETT — ao redor de 200 –, e a todas as quendas laborais”, dando comezo ás 22.00 horas deste domingo, día 30, e prolongándose ata ás 22.00 horas do luns 1.

MANIFESTACIÓN

Ademais, o luns ás 14.00 horas, as traballadoras e traballadores sairán en manifestación das instalacións de Jevaso na avenida do Encoro e percorrerán unha parte do polígono de Sabón para “visibilizar a súa loita”.

Os sindicatos explican que chegan a esta segunda convocatoria de protesta debido “ao fracaso da mediación realizada na SIMA” este xoves, día 27. “Foi imposible conseguir un acordo satisfactorio para o persoal que puxese fin ao conflito e ás mobilizacións”, apuntan.

ANPA do CEIP de Tarrío esixe á Xunta máis recursos e atención inmediata

Ubaldo Cerqueiro

-

28 Novembro, 2025

0

ANPA do CEIP de Tarrío esixe á Xunta máis recursos e atención inmediata

Avanza o curso e cada vez son máis familias as que saen á rúa para esixir melloras nos centros do ensino público.

Esta pasada tarde de xoves, tocoulle á comunidade escolar do CEIP Plurilingüe de Tarrío que, apoiada polo Concello de Culleredo, manifestouse para denunciar a grave falta de recursos humanos e materiais que sofre o centro e que, segundo as familias, a Xunta de Galicia continúa ignorando.

Un centenar de persoas participaron na marcha convocada pola ANPA Rosalía de Castro do centro. O percorrido partiu do colexio e tivo unha duración dunha hora, cos asistentes portando chalecos reflectores por motivos de seguridade viaria e mostrando pancartas en defensa dunha educación pública digna e cos recursos necesarios. Durante a protesta tamén se puideron escoitar cánticos como “Xunta, escoita, Tarrío está en loita”, cos que a comunidade educativa expresou a súa hartazgo ante a falta de avances.

O Concello comparte coa ANPA do centro a preocupación e a falta de recursos, tanto materiais como humanos, para que os alumnos do CEIP de Tarrío teñan unha atención adecuada.

Necesidades do centro

As familias denuncian que o CEIP de Tarrío arrastra desde hai anos unha situación insostible pola falta de medios. Reclaman un reforzo inmediato de Pedagoxía Terapéutica para atender ao alumnado con necesidades específicas, o incremento de recursos en Educación Infantil e a creación dunha cuarta unidade en 4º de Primaria que permita reducir cocientes e garantir unha atención máis personalizada. Subliñan, ademais, que estas demandas levan moito tempo trasladándose á Administración autonómica sen que a Xunta adoptase decisión algunha para resolvelas, motivo polo cal anuncian que se organizarán máis mobilizacións se continúa esta falta de resposta.

A ANPA lembra que o CEIP de Tarrío é un centro de referencia no municipio e que acaba de cumprir 50 anos de historia, un motivo máis para esixir que conte cos medios adecuados para seguir ofrecendo unha educación pública inclusiva e de calidade.

Máis novas sobre os recortes no ensino público

As familias de Oleiros responden ao Conselleiro con realidades e manifestacións por unha “educación pública, inclusiva e de calidade”

As familias do CEIP Cidade Vella esixen na rúa con contundencia compromisos das administracións

A ANPA do CEIP de Prácticas non cede tras un ano en loita contra o deterioro do centro

A Xunta négalle ao CEIP Valle Inclán o aumento de profesorado na previa das concentracións das 6 ANPAS de Oleiros

Outras novas das ANPAS

As ANPAS dos colexios de Oleiros levaron o seu manifesto ao pleno

Ubaldo Cerqueiro

-

28 Novembro, 2025

0

As ANPAS dos colexios de Oleiros levaron o seu manifesto ao pleno

Segue alzando a voz as comunidades escolares dos colexios de Oleiros. O último paso que veñen de dar é a lectura dun comprometido manifesto no pleno celebrado este pasado xoves 27 de novembro.

A ANPA Valle Inclán, AFA Nós CEIP Juan de Vega, ANPA CEIP Luis Seoane, ANPA Ensino CEIP Rabadeira e ANPA Bidueiro CEIP Isidro Parga Pondal reclamaron que “os recursos mínimos necesarios para garantir que os centros públicos de educación infantil e primaria de Oleiros poidan realizar o seu traballo con normalidade e cumprindo cos estándares mínimos de calidade e de inclusión que a Lei contempla”.

Esixen “un ensino público axeitadamente dotado, inclusivo e de calidade ao que temos dereito e que polo tanto debemos esixir, porque só cun ensino público inclusivo e de calidade, poderemos acadar a igualdade de oportunidades para os nosos fillos e fillas”.

Máis novas

ANPA do CEIP de Tarrío esixe á Xunta máis recursos e atención inmediata

As familias de Oleiros responden ao Conselleiro con realidades e manifestacións por unha “educación pública, inclusiva e de calidade”

Detidos un veciño e un electricista polo incendio rexistrado nun edificio na Sagrada Familia no que faleceu un home

SUCESOS

europapress

-

28 Novembro, 2025

0

A Policía Nacional detivo a dúas persoas pola súa suposta relación no incendio rexistrado na tarde deste xoves nun edificio da Coruña, na Rúa San Isidro, no que faleceu un home e outro se atopa en estado crítico por mor da inhalación de fume.

Así, segundo sinalan fontes a EP, as dúas persoas foron detidas por un suposto delito de homicidio imprudente, xa que o lume produciuse pola manipulación do cadro eléctrico do edificio. Os detidos son un veciño do inmoble e un electricista.

O suceso, segundo a información do 112 Galicia, produciuse sobre as 17.45 horas deste xoves e ata o lugar mobilizáronse os bombeiros da ciudada herculina que, unha vez no punto, atoparon as escaleiras cheas de fume.

Procederon a sufocar as chamas e, durante os traballos de ventilación, localizaron a dúas persoas inconscientes no primeiro piso. Os profesionais do Servizo de Urxencias Sanitarias de Galicia-061 prestoulles asistencia no lugar, pero só un dos homes puido ser evacuado, en estado crítico, ao Hospital Universitario da Coruña.

Aínda que o incendio púidose controlar e efectuáronse as tarefas de ventilación, os veciños foron desaloxados, debido a que as vivendas non tiñan luz, e evacuáronos a un pavillón próximo.

Morre un home e outro se acha en estado crítico pola inhalación de fume nun incendio rexistrado na Sagrada Familia

Usuarios dos cursos dos Programa de Lecer do Fórum e do Ágora pregúntanse pola posible suspensión das asamblearias viaxes culturais

Ubaldo Cerqueiro

-

27 Novembro, 2025

1

Usuarios dos cursos dos Programa de Lecer do Fórum e do Ágora pregúntanse pola posible suspensión das asamblearias viaxes culturais

Certo malestar vívese estas semanas entre os centos de usuarios dos Cursos do Programa de Lecer do Forum Metropolitano e Centro Ágora. Cursos de arte, literatura, cine, fotografía, cocina, dibujo, teatro, astronomía, memoria, creatividad, música… moi queridos na cidade, que contan con máis dun milleiro de solicitudes cada ano e cuias prazas sempre se esgotan rapidamente.
Un programa que desenvolve a empresa Serviplus Total a través dunha concesión municipal, coordinada á súa vez por unha traballadora do Instituto Municipal Coruña Espectáculos (o famoso IMCE).

Como peche final a estes cursos, organízase aló polo mes de xuño unha viaxe comunal. Unha viaxe non oficial, pagada integramente polos propios usuarios (sen custe municipal algún máis que o esforzo da traballadora municipal, mesmo adoita ir, pola súa conta, un dos profesores dos cursos, ao que os usuarios lle pagan a viaxe, pero que ten que custearse o resto de gastos), que se artella dun xeito asambleario, no que a traballadora do IMCE exerce de intermediaria entre as axencias de viaxes da cidade e os usuarios.
O procedemento é o seguinte: a traballadora municipal encarga ás Axencias da cidade que preparen un proxecto de viaxe cun orzamento, que se publica nun blog para que os usuarios vaian estudando as diferentes ofertas, e que se votan, a man alzada, sen trampa nin cartón, nunha presentación común que se fai no Fórum con todos os usuarios que estean interesados en facer a viaxe. Escóllese a opción máis votada e a partir de aí cada usuario acorda coa axencia directamente a súa participación.

Levan facendo estas viaxes desden hai 18 anos, con grupos de 150-200 persoas, a diferentes lugares, por todo Europa (Toscana, Selva Negra, Grecia, Canadá, Eslovenia…). Sempre con éxito de asistencia, sen incidencias, e tendo xa viaxado con 5 axencias diferentes da cidade. Este ano decidiran, na asemblea do ano pasado, ir a Escocia, pero parece que a cousa non está clara.

O así parece segundo o que teñen recibido estas semanas os usuarios dos cursos, que tras preguntar no Fórum recibiron a nova, sen demasiadas explicacións, de que este ano non vai poder haber viaxe. “Por que cambiar un modelo asambleario que funciona moi ben e que nunca tivo problemas? Pódese darlle unha volta, profesionalizalo ou privatizalo completamente, pero por que parar?”, pregúntanse os usuarios.

Ante esta situación de incerteza, os usuarios están colleitando sinaturas (en menos dunha semana xa superan as 300) e enviando correos á rexedora e ao IMCE para preguntar “Por que non se pode levar a cabo a viaxe cultural ao estranxeiro do programa de lecer do Forum Metropolitano e Centro Ágora?”. No escrito explican que queren “unha explicación de por que non se pode seguir organizando unha
actividade que leva funcionando o últimos dezaoito anos sen ningún problema e que move a máis de 150 persoas todos os anos. Consideramos que dita actividade non lle supón ningún custo ao Concello máis que o traballo de xestión que realiza a animadora do Forum, xa que logo somos os usuarios quen decido nunha asamble pública a axencia coa que viaxamos e a quen abono directamente os nosos billetes”. Ademais do prexuízo que lle causa ás axencias de viaxe da nosa cidade que levan desenvolvendo este programa os últimos anos que de súpeto quedan sen unha gran fonte de ingresos.

Dende o Concello aseguran que “todos os traballadores municipais cumpren coas súas competencias e responsabilidades con rigorosa profesionalidade” e que “o concello non lle prohibe a ninguén irse de viaxe”.

Máis novas

A unificación da Rede de Bibliotecas Municipais. Unha farsa

14 UTEs que engloban a 78 empresas (só 8 da comarca) optan ao concurso de deseño da fachada marítima coruñesa

europapress

-

27 Novembro, 2025

0

14 UTEs que engloban a 78 empresas (só 8 da comarca) optan ao concurso de deseño da fachada marítima coruñesa

Un total de 14 UTEs, que engloban a 78 empresas do ámbito internacional e nacional, presentaron as súas propostas ao concurso público para o deseño da fachada marítima coruñesa.

É certo que ha así varias firmas con delegación na Coruña trala apertura do procedemento tralo recurso do COAG, pero en realidade só hai dous estudios de arquitectura coruñeses que forman parte desas UTEs: de Creus e Carrasco e o de Díaz e Díaz,

Segundo informa a Autoridade Portuaria houbo unha proposta que resultou non admitida xa que non cumpría cos requisitos de presentación de ofertas establecidos nos pregos do procedemento.

Entre os profesionais que optan a elaborar o Máster Plan de Coruña Marítima figuran tanto empresas locais como de carácter nacional e internacional procedentes de países como Francia, Inglaterra, Países Baixos, Xapón, Dinamarca, Portugal, Italia ou Estados Unidos.

Assegura a Autoridade Portuaria que hai un total de 36 firmas locais ou con delegación permanente na Coruña, sumando as que forman parte das UTEs e as que participarán en condición de colaboradoras destas sociedades.
Con todo, a realidade é que só hai 2 estudios de arquitectura coruñeses: DÍAZ y DÍAZ ARQUITECTOS SLP e CREUSeCARRASCO arquitectos, S.L.P., e estas 6 empresas con sede na comarca entre as que forman as UTEs: EPTISA Servicios de Ingeniería (A Coruña), TYPSA, (O Burgo, Culleredo), PROYFE S.L.., (Narón), GHENOVA Ingeniería (Ferrol), GOC, S.A (A Coruña), e PROINTEC, S.A.U. (A Coruña).

O fallo do concurso internacional para a redacción do plan que definirá os futuros usos dos peiraos interiores do porto da cidade herculina notificarase en “outono do ano 2026”. Será “no outono de 2027” cando se presente o Máster Plan de quen fose seleccionado, engadiu.

Relación de 14 UTEs candidatas (Relación das sociedades que forman xurídicamente cada UTE, sen incluír as empresas colaboradoras de cada proposta):

1-UTE formada por:
EDDEA ARQUITECTURA Y URBANISMO S.L.P.
CRUZ Y ORTIZ ARQUITECTOS S.L.P.
GHENOVA INGENIERIA S.L.U.
PROYFE S.L..
ARQUITECTURA AGRONOMIA S.L.P.
CONSULTORA ALOMON S.L

2-UTE formada por:
TÉCNICA Y PROYECTOS S.A. (TYPSA)
RSHP Architects SLP (Rogers Stirk Harbour + Partners)

3-UTE formada por:
JUNQUERA Arquitectos
WEST 8 urban design & landscape architecture b.v.
EPTISA Servicios de Ingeniería, S.L.
SENER MOBILITY, S.A.
NEUTELINGS RIEDIJK ARCHITECTEN BV

4-UTE formada por:MIRALLES TAGLIABUE EMBT, S.L.P.
BAU-B Arquitectura i Urbanisme, S.L.P. (Busquets Arquitectura I Urbanisme)
GOC, S.A.
CREUSeCARRASCO arquitectos, S.L.P.
PROYECTOS, EJECUCIÓN Y CONTROL DE OBRAS, S.A.

5-UTE formada por:
IDOM CONSULTING ENGINEERING ARCHITECTURE, S.A.U.
ZAHA HADID LIMITED

6-UTE formada por:
GUSTAFSON PORTER + BOWMAN LLP
BOFILL ARQUITECTURA, S.L.
RON ARAD ARCHITECTS LIMITED
FHECOR INGENIEROS CONSULTORES, S.A.
BERENGUER INGENIEROS, S.L.
VECTIO TRAFFIC ENGINEERING, S.L.
GALAICONTROL, S.L.

7-UTE formada por:
TPF Getinsa Euroestudios, SL.
Gil BARTOLOME ADW, S.L.
Nikken Sekkei Ltd
TRN TÁRYET, S.A.

8-UTE formada por:
PROINTEC, S.A.U.
VIDAL ASOCIADOS ESTUDIO DE ARQUITECTURA, S.L.P.

9-UTE formada por:
BJARKE INGELS GROUP ARCHITECTURE SPAIN SLP (BIG)
WSP SPAIN–APIA, SAU
DÍAZ y DÍAZ ARQUITECTOS SLP

10-UTE formada por:
OVE ARUP & PARTNERS S.A.U.
BATLLE I ROIG ARQUITECTURA SLP
3XN COPENHAGEN A/S11-UTE formada por:
B720 Arquitectura SLP
ALDAY JOVER ARQUITECTOS SLP
GEG, Lda

12-UTE formada por:
ABALO ARQUITECTURA E INGENIERÍA, S.L.
INTECSA ENGINEERING GROUP, S.A.U.
CONURMA INGENIEROS CONSULTORES S.L.
OCEAN INFRASTRUCTURES MANAGEMENT, S.L.U.
TEMA INGENIERÍA, S.L.

13-UTE formada por:
Carlo Ratti Associati S.r.l.
LRA INFRASTRUCTURES CONSULTING, S.L.
DYP Ingenieros Consultores y Arquitectos, S.L.

14-UTE formada por:
Stoss, landscape Urbanism
Studio Gang Architectes
Urbanitree, S.L.P.

Máis novas

A presidenta do COAG desmonta o proceso da Fachada Marítima: “O que vexo é que a Autoridade Portuaria quere sacar rendemento económico”

Debe condicionar o pago da débeda do porto exterior a trascendental reordenación da fachada marítima?

“Co Master Plan Coruña Marítima enfróntamos a unhas propostas anacrónicas”

“A xoia da cidade, a fachada marítima, como vai depender dunha débeda entre administracións?”

Xavi Mariñas, sobre Coruña Marítima: “Imos quedar cun porto dedicado só ao tráfico turístico como Dubrovnik”

Morre un home e outro se acha en estado crítico pola inhalación de fume nun incendio rexistrado na Sagrada Familia

europapress

-

28 Novembro, 2025

0

Morre un home e outro se acha en estado crítico pola inhalación de fume nun incendio rexistrado na Sagrada Familia

Un home faleceu e outro se atopa en estado crítico por mor da inhalación de fume nun incendio rexistrado na tarde deste xoves nun edificio da Coruña, na Rúa San Isidoro, na Sagrada Familia.

O 112 Galicia informou de que tivo constancia do lume ás 17.45 horas, a través da chamada dun particular que alertaba dun incendio no cadro eléctrico situado no portal dun edificio da rúa coruñesa.

Incendio coruna — Fotos do incendio de @bombeiroscoruna

A central de emerxencias solicitou a intervención dos bombeiros da Coruña, que, ao chegar ao momento, atoparon as escaleiras cheas de fume. Tras sufocar as chamas e, durante os traballos de ventilación, localizaron a dúas persoas inconscientes no primeiro piso.

O persoal do Servizo de Urxencias Sanitarias de Galicia-061 prestoulles asistencia no lugar, pero só un dos homes puido ser evacuado, en estado crítico, ao Hospital Universitario da Coruña.

Tamén se informou aos axentes da Policía Nacional e Local, así como aos efectivos de Protección Civil.

DESALOXO DOS VECIÑOS

Aínda que o incendio se puido controlar e se efectuaron as tarefas de ventilación, fontes municipais indicaron que finalmente se optou por desaloxar veciños do edificio, que ten máis dunha trintena de residentes, debido a que as vivendas non tiñan luz.

En todo caso, a compañía eléctrica traballa en repor o servizo e o Concello, a través de Servizos Sociais, trasladou que todos os veciños recibirán atención e terán alternativas “hoxe mesmo” se non poden regresar aos seus fogares. A última hora habilitouse, a tal fin, o Polideportivo da Sagrada Familia.

INVESTIGACIÓN POLICIAL

A Policía Nacional abriu unha investigación para determinar as causas do incendio que afectou o cadro eléctrico do portal deste edificio.

Fontes consultadas por Europa Press apuntaron que unha das cuestións que se investigan é a posibilidade de que se estivesen realizando traballos ou manipulando o cadro eléctrico, aínda que as circunstancias están pendentes de esclarecer.

Unha clase de zumba en María Pita para deixar claras as demandas do persoal das Escolas Deportivas Municipais

Ubaldo Cerqueiro

-

27 Novembro, 2025

0

Unha clase de zumba en María Pita para deixar claras as demandas do persoal das Escolas Deportivas Municipais

Nova mobilización esta mañá de xoves 27 de novembro do persoal das Escolas Deportivas Municipais para exixir melloras laborais e salariais. Realizaron un par de 3 horas, durante o que, acompañadas de numerosas persoas usuarias dos cursos e das instalacións, protagonizaron unha concentración diante do Pazo dos Deportes de Riazor, ealizaron unha andaina ata María Pita.

Á chegada á Praza de María Pita, realizaron ademais unha simulación das distintas clases de actividades que se ofrecen nas escolas deportivas municipais, que resultou ser tan divertida como reivindicativa, demostrando o cariño que a veciñanza sente por este comprometido monitorado.

A xornada rematou coa lectura do manifesto por parte de Montse Pico, unha das voceiras do colectivo que xa participou no Escano Cidadán do pleno e que fixo entrega por rexistro de case de 2.000 sinaturas de apoio. A traballadora de Serviplús, a concesionaria do servizo, explicou como chegaron ata estas mobilizacións. Debullou que as 42 traballador@s deste servizo que aproveitan 4.000 veciñ@s da cidade, levan 2 anos e medio en comunicación co Concello, sen moita resposta. Unha das poucas, de feito, foi aquel “Non hai cartos para iso”, que lle espetaron varios responsables municipais.

Explicou as continuas queixas das persoas usuarias, pola falta de material deportivo, da carencia das instalacións. Pero tamén explicou que as súas condicións salariais seguen estancadas dende 2020. Agora, tendo en conta que o contrario actual está en proceso de extinción, piden que se teñan en conta as súas demandas na negociación do novo contrato.

”Pedimos cumplir o compromiso que se alcanzou fai 4 anos, por este mesmo goberno, de mellorar as condicións do persoal traballador, na liña de dignificar este colectivo, cuias condicións non están á altura das titulacións superiores e a formación continua que se nos esixe”, sinalaron.

Máis novas

O persoal das Escolas Deportivas Municipais presentou 1.500 sinaturas e reivindicou as súas demandas no escano cidadán

O persoal das Escolas Deportivas continúa coas protestas tras a “decepcionante” a xuntanza co Concello

Persoal das escolas deportivas municipais comezan as súas mobilizacións por unhas condicións dignas e un servizo de calidade

Outro xoves ás portas do Concello de Cambre

CAMBRE

Ubaldo Cerqueiro

-

27 Novembro, 2025

0

Outro xoves ás portas do Concello de Cambre

Suma e seguen os xoves que os traballadores do Concello de Cambre paran máquinas e saen á porta para protestar polas súas indignas condicións laborais. Este 27 de novembro, coincidindo cun novo pleno, volveron facelo.

Fano, tras varios anos de mobilizacións, despois ademais da manifestación veciñal en contra do bloqueo institucional que sofre o Concello, e que pedíu unión aos partidos políticos para solventar os numerosos problemas.

A representación das traballadoras e traballadores denuncia que, tras a ruptura unilateral do diálogo por parte da alcaldesa, non se produciu ningún avance para resolver as múltiples problemáticas laborais e poder ofrecer unha prestación dos servizos públicos adecuada.

“Seguimos sen cobrar todos os conceptos das nóminas que estaban pendentes, nin a regularización da suba do 0,5% dos salarios, nin as axudas dos anos 2022, 2023 e 2024, e actualmente está pendente a produtividade do terceiro trimestre. O único que sabemos é que os asuntos están na mesa do xefe de Urbanismo e Réxime Interior, como outros moitos, pero sen data de resolución nin previsión de ningún tipo”, denuncian.

Máis novas

O pobo de Cambre clama contra o bloqueo municipal

O persoal do Concello de Cambre sae de novo á rúa ante a inacción municipal para solventar a súa precariedade

Máis distancia no conflito laboral dos traballadores municipais de Cambre

Os traballadores municipais de Cambre ofician o enterro dos seus dereitos