Tres dos catro detidos polo apuñalamento dun home na zona de pubs do Orzán, na Coruña, o pasado 19 de abril quedaron en liberdade, aínda que manteñen a súa condición de investigados. Así o confirmaron a Europa Press fontes xudiciais que precisaron que a cualificación, no seu caso, verase conforme avance a instrución da causa.
A maxistrada do Xulgado de Instrución número 2 da Coruña tomou esta decisión en base ás declaracións de testemuñas e o informe forense, precisaron tamén. Inicialmente, e tras a súa detención, decretou o ingreso en prisión provisional, comunicada e sen fianza dos catro detidos por un delito de asasinato en grao de tentativa ou consumado, esta última opción exposta en función do estado da vítima cuxa evolución foi, a pesar das feridas, favorable.
Con esta última decisión, só un deles, e ao que testemuñas apuntaron como o principal implicado na agresión, queda en prisión.
O Ministerio de Transportes e Mobilidade Sustentable adxudicou por 973.011 euros (IVE incluído) a redacción do proxecto de trazado e construción para a prolongación de acceso viario ao porto exterior da Coruña.
Así, prolongarase o acceso viario cunha estrada convencional duns 2,9 quilómetros, entre a AC-15 e a AC-14, con calzada única de dous carrís.
Segundo informa o Ministerio nun comunicado, o obxectivo é mellorar a accesibilidade á infraestrutura e a intermodalidad do transporte de mercadorías.
O trazado seleccionado no estudo informativo parte do tramo da AC-15 executado cun viaduto de 270 metros sobre o val de Furoca, a AG-55 e a AC-552. O trazado evita o cruzamento en desmonte do gasoduto Mugardos-Sabón e o terreo ocupado polo polígono de Vío, aínda que si afecta o seu percorrido a parte da canteira en explotación existente. Neste punto presenta un desmonte de gran altura tras o cal descende con pendente do 5% mantendo o seu trazado paralelo á contorna dos polígonos industriais de Vío e Pocomaco.
O tramo finaliza na ligazón coa AC-14, onde se expón a construción dos ramais de conexión Porto-A-6 e A-6-Porto que conectarán nos ramais expostos no tramo de Terceira Rolda.
O Concello da Coruña deu luz verde, na Xunta do Goberno local, ao Plan de Contratación Pública 2024, un documento que recolle as principais liñas estratéxicas de investimento previstas polo consistorio tanto para este ano como para os próximos exercicios.
A rexedora explicou, en rolda de prensa, que “este documento é unha ferramenta de planificación e programación, no que cada área de xestión municipal determina as súas principais previsións contractuais a curto, medio e longo prazo”.“Estamos ante a folla de ruta do Concello en cada área de xestión, de forma transparente”, aseverou a rexedora. Ademais, especificou que as previsións establecidas no Plan de Contratación Pública 2024 recollen ata 305 contratos, cun valor total de 518 millóns de euros.
“Falamos de estimacións a curto, medio e longo prazo xa que eses 518 millóns inclúen, por exemplo, o importe que, prevese, será necesario para custear o novo contrato de xestión e tratamento de residuos en Nostián, que será licitado de forma inminente”, expuxo Inés Rey.
O documento tamén recolle iniciativas do Concello en materia de vivenda como 10 millóns de euros para a construción dun edificio de 50 vivendas de promoción pública en Xuxán.
A Coruña acollerá na praza de María Pita o acto institucional con motivo do Día das Letras Galegas, dedicado este ano á escritora Luisa Villalta. Previamente, no Palacio Municipal, inaugurarase unha mostra, de carácter itinerante. Así o informou a rexedora coruñesa, Inés Rey, en relación aos actos previstos en homenaxe á escritora, nada na cidade herculina en 1957 e falecida en 2004. Será no 20 aniversario do seu falecemento e despois de que o consistorio aprobase unha moción expondo o seu nome de cara a esta conmemoración.
En canto á programación, Rey asegurou que o día 17, ás 10.30 horas, abrirase ao público unha exposición sobre Luisa Villalta, organizada polo Concello da Coruña e a Xunta de Galicia. Será unha mostra que, tras a súa exhibición no Palacio Municipal de María Pita, presentarase noutras cidades galegas. Posteriormente, terá lugar o acto institucional na praza de María Pita xunto coa familia da escritora, ao que seguirá unha actuación musical. Tras os actos, a Real Academia Galega (RAG) celebrará un plenario no Teatro Rosalía de Castro.
Non entanto, as actividades, con repartición de agasallos entre os máis novos para difundir a súa figura, comezarán antes, o día 10, ás 21.00 horas, cun concerto de Familia Caamagno, no centro sociocultural Ágora. O día 16, ás 20.00 horas, a Banda Muncipal de Música ofrecerá tamén un concerto e media hora despois, no Teatro Colón, o Consello da Cultura Galega estreará a peza ‘Concerto para un home só’, unha obra orixinal do compositor Federico Mosquera con texto da escritora. Rey, que reivindicou a traxectoria artística da homenaxeada, anunciou tamén que o Concello da Coruña publicará, xunto a Edicións Xerais, unha reedición dun poemario, con fotografías de Xurxo Lobato, e textos de Estíbaliz Espinosa.
Christian McBride, gañador de oito premios Grammy, participará no festival internacional +QJazz, que terá lugar entre os días 2 e 9 de xullo na Coruña. O concello herculino colabora coas principais salas de música da cidade na organización do festival e a súa programación, que inclúe concertos na praza de Azcárraga, o Teatro Colón, Jazz Filloa, Sala Garufa e Mardi Gras.
O concelleiro da área de Fomento e Promoción da Cidade, Gonzalo Castro, participou este luns no acto de presentación desta nova edición, que conta con referentes do panorama jazzístico internacional, nacional e galego. A programación abrirase na praza de Azcárraga, o 2 de xullo, ás 21,00 horas, con Tia Carroll Band.
O 3 de xullo actuarán Verónica Ferreiro e Javier Sánchez, dous músicos que se penetran na mestura do jazz, o folk e a música clásica. Entre outros, estarán Christian McBride Quintet, a saxofonista Nicole Glover, a guitarrista Ely Perlman ou o pianista Mike King.
O número de parados rexistrados nas oficinas galegas dos servizos públicos de emprego baixou en 2.677 persoas en abril, en relación co mes anterior, o que supón un 2,08% menos que en marzo.
Así se desprende das cifras publicadas este luns polo Ministerio de Traballo e Economía Social, que sitúan o total de desempregados galegos nos 126.334, un 9,34% menos que hai un ano, con 13.009 persoas sen emprego menos.
Por provincias, na Coruña o parou baixou en 1.240 persoas en abril respecto de marzo, un 2,41% menos, ata 50.129 persoas sen emprego, un 10,62% menos se se compara con hai 12 meses.
En Lugo hai 12.048 desempregados, 259 menos que en marzo (-2,1%) e 907 menos que en abril de 2023 (-7%). Situación similar viviu Ourense, con 433 desempregados menos en abril, ata 14.953, un 2,81% menos, ou un 7,23% menos se se compara con hai un ano (-1.166 parados menos). Pontevedra pechou abril con 49.204 desempregados, 745 menos que hai un mes (-1,49%) e 4.980 menos que hai un ano (-9,19%).
Do total de parados galegos, un 41,9% era home e un 58,1%, muller. Ademais, case un 4% tiña menos de 25 anos. Por sectores, todos eles rexistraron un descenso do desemprego, caendo en 143 persoas na agricultura, ata 4.041 parados. Na industria a baixada foi de 281 desempregados, ata 12.448, do mesmo xeito que a construción, que quedou con 8.444 parados, 281 menos. Os servizos rexistraron unha diminución do desemprego de 1.814 persoas, ata 89.976. O colectivo de persoas sen un emprego previo supuxo 11.425 parados, 158 menos que hai un mes.
Entre outros datos, os beneficiarios por prestacións de desemprego en Galicia alcanzaron as 84.242 persoas, dos cales 38.720 percibían unha prestación contributiva. De media, estes últimos cobraban 942,7 euros ao mes, por baixo dos 981 euros de media nacional.
Partido gris con tres puntos de ouro que facilitan a primeira ocasión de ascenso directo na vindeira xornada.
Trixésimo quinto partido de Imanol Idiakez como adestrador do Depor en partido oficial (20V 11E 4D).
— — —
O Depor ten ante si a oportunidade de certificar o ascenso na vindeira xornada na casa contra o Barca Atletic. Levaba meses querendo iniciar o análise semanal deste xeito e nunca me daba chegado o momento. Despois dunha primeira volta decepcionante e dunha segunda volta demoledora, por fin, estamos diante do encontro que todos agardabamos con certo receo. O certo é que a clasificación di que tan só o Barca Atletic podería alcanzar en puntos ao Depor xa que nin Nástic, Fortuna ni Ponferradina sumarían os puntos necesarios nesta tres derradeiras xornadas. Así o único rival que aínda aspira adestronar ao Depor é, precisamente, noso próximo rival en Riazor. De aí que ese partido poida marcar xa o fin da competición para o Depor o próximo domingo. Semana de nervios a que nos espera lembrando como afrontabamos estes días cando foi o caso de Mallorca, Fuenlabrada, Albacete, Castellón… A longa noite de pedra que tanto anos dura.
O partido por terras vascas cóntase moi rápido. Nada de fútbol, moita tensión motivada polo marcador dun Barca B que aos 35 minutos xa sentenciara ao Tarazona, penalti dubidoso sobre Yeremay, gol dun Lucas que suma 28 intervencións (17 asistencias e 11 goles) nos goles do Dépor nesta tempada e a sufrir ata o final. Por sorte, non se repetiu o final do Arenteiro sete días antes en Riazor e puidemos sumar tres puntos máis a domicilio chegando ata os 37 no que vai de tempada. Algún día dará para valorar o números a domicilio deste equipo que marca rexistros históricos no club.
O que ven a próxima fin de semana son eses tumultos de sentimentos e nervios pensando en tódolo malo que nos aconteceu nos últimos catro anos. Cunha diferenza este ano: o resultado do partido non é definitivo e restarían dúas ocasións máis para lograr o tan ansiado ascenso. Por aí entra o raio de esperanza ao que agárrase a afección branquiazul. A vitoria danos o ascenso e o empate deixaríao case sentenciado para as dúas ultimas xornadas. Tan só unha derrota que non entra en ningunha cabeza agora mesmo abriría as opción de cara as dúas últimas xornadas. Contas e mais contas, contos e mais contos para arribar a ese sitio de onde nunca debemos saír. Agora si, chegou o momento, Depor.
Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.
Sumar A Coruña pide a convocatoria urxente da mesa de alcaldes e alcaldesas da área metropolitana para abordar unha mellora substancial do tranporte público de viaxeiros. Faino logo de que a xustiza europea decretara a finalización da actual concesión do bus urbano da Coruña para decembro deste ano sen que o Goberno Municipal non sacara a licitación un novo estudio para definir o “novo modelo” deste servizo, un estudo cun custo de medio millón de euros.
“É fácil concluir que o novo servizo de bus non estará en funcionamento para 2025, engrosando así a lista de servizos municipais que se encontran en situaciación non regular, como de forma alarmante ocorre de forma significativa coa planta de tratamento de residuos de Nostián”, denuncia este partido nun comunicado.
Ademais, lembra a Xunta de Galicia segue poñendo trabasa unión por bus entre Oleiros e A Coruña. Outros exemplos de extensións de líneas urbanas son a 6 cara a Meicende-Arteixo ou a 24 a Culleredo e Arteixo na Zapateira. Tamén piden extender liñas cara Vilaboa e O Burgo en Culleredo, nun claro continuo urbano.
GRAN MOBILIDADE URBANA
Segundo os datos analizados en 2018 para estudar na Mesa de alcaldesas e alcaldes metropolitanos a viabilidade dun sistema de xestión metropolitana do transporte público de viaxeiros, as viaxes relacionadas coa Coruña, tanto en xeración como atracción representan o 78% da mobilidade metropolitana, mentres que as viaxes transversais acadan o 22%. Os principais fluxos coa Coruña son os relacionados con Arteixo, Culleredo e Oleiros.
A estratexia galega de mobilidade suliña como o vehículo privado sigue sendo o principal protagonista da mobilidade metropolitana, onde casi o 90% das viaxes externas se fan neste medio, fronte a un 9,5% no transporte público. Entre os dez municipios galegos con máis desprazamentos figuran os da Coruña, Oleiros, Arteixo e Culleredo. Oleiros presenta en inverno incluso máis desprazamientos que Ferrol e realiza preto do 70% coa Coruña. Arteixo é atractor debido á industria e en Culleredo temos situado o aeroporto. O 66,5% das viaxes do municipio da Coruña realizanse con municipios da provincia, dos que un 68,7% corresponden a Oleiros, Arteixo, Culleredo, Cambre, Sada, Bergondo e Carballo.
“Os datos reflicten claramente que a planificación e xestión do transporte público na área da Coruña precisan un enfoque e unha solución metropolitana, resultando insuficiente a xestión diferenciada entre o transporte urbano de competencia municipal e o transporte interurbano de competencia autonómica”, critica Sumar a Coruña.
Por iso di que a implantación da nova estación intermodal da Coruña esixe revisar liñas urbanas e metropolitanas, tamén algunhas interurbanas. As necesidades crecentes de desprazamento aos polígonos empresariais de Bergondo, Espíritu Santo, A Grela, Pocomaco, Sabón o próximamente Morás, a ampliación do CHUAC ou un mellor servizo ao aeropuerto e a os campus universitarios da Coruña e Ferrol, son necesidades que obrigan a repensar a rede de transporte público cunha nova planificación supramunicipal. As oportunidades que ofrece a integración urbana de espazos do porto interior para establecer intercambiadores e aproveitar a liña existente de ferrocarril a Betanzos, tamén deben de integrar un mellor servizo de transporte público.
Varios veciños tiveron que ser desaloxados dun edificio de nove plantas de Culleredo en cuxo garaxe se rexistrou un incendio, que calcinou dous vehículos. Segundo información do 112 Galicia, o inmoble está situado na rúa Anxo Senra Fernández, no Burgo. Urxencias Sanitarias-061 tivo que atender e evacuar ao hospital a unha persoa afectada por inhalación de fume. Eran varias as persoas que, a partir das 10.50 horas da mañá, chamaban ao 112 para alertar de que saía “moito fume” do garaxe. Así, deuse aviso aos bombeiros de Arteixo e A Coruña, así como á Policía Local de Culleredo, á Garda Civil e a outros servizos de emerxencias.
O edificio tivo que ser desaloxado parcialmente, mentres que outros veciños quedáronse confinados nas súas vivendas. Ao chegar, os equipos de intervención comprobaron que ardían dous vehículos no interior do garaxe. O lume xerouse nun dos dous coches e propagouse ao segundo. Tras apagar as chamas, o dispositivo procedeu a ventilar o edificio. O seguinte paso será acceder ao seu interior para avaliar os danos e investigar o ocorrido, segundo informan os servizos de emerxencias municipais. Ata o lugar desprazouse tamén o alcalde de Culleredo, José Ramón Rioboo, para realizar un seguimento da intervención.
A POLICÍA CIENTÍFICA INVESTIGARÁ AS CAUSAS
A Policía Científica colabora cos bombeiros de Arteixo para investigar as causas do lume. Segundo informa o Consorcio Provincial Contraincendios e Salvamento da Coruña, será esta tarde cando os efectivos da Científica se despracen ata a rúa Anxo Senra Fernández, no Burgo, para esclarecer como se iniciou o incendio e poder facer unha estimación dos danos. De acordo cos primeiros datos dos servizos de extinción, o lume orixinouse pola combustión e posterior explosión dun coche que estaba aparcado. As chamas propagáronse rapidamente a outro turismo estacionado ao seu lado e mesmo parte do falso teito do garaxe veuse abaixo.
Ademais, o fume expandiuse polo edificio e parte dos veciños foron evacuados, mentres que outros permaneceron confinados nas súas vivendas, sen que en principio os niveis de monóxido nos domicilios fosen perigosos. Tras apagar as chamas, os efectivos procederon a ventilar o edificio e sobre as 14.00 xa se podía acceder ao interior. O seguinte paso será acceder ao seu interior para avaliar os danos e investigar o ocorrido. Ata o lugar desprazouse tamén o alcalde de Culleredo, José Ramón Rioboo, para realizar un seguimento da intervención.
CONSECUENCIAS
O incendio obrigou a desaloxar a varios veciños, calcinou dous vehículos, afectou as estruturas do recinto e dous bloques de vivendas continúan sen auga nin luz. Segundo informou o Concello de Culleredo, a Policía científica efectúa nestes momentos “os traballos pertinentes para esclarecer as causas do incendio” e na zona atópanse tamén a Policía Local e Protección Civil.
As vivendas dos bloques 5 e 6 non teñen, polo momento, subministración nin de luz nin de auga, engadiu o consistorio, dado que a súa interrupción resulta “indispensable” para avaliar os danos. O edificio tivo que ser desaloxado parcialmente, mentres que outros veciños quedaron confinados nas súas vivendas.
Noite de gala social no Palexco este pasado venres coa entrega dos premios anuais de Boas Prácticas en Servizos Sociais. Catro entidades da provincia, que destacaron polos seus programas innovadores no ámbito social e o seu compromiso na inclusión e a protección dos colectivos máis vulnerables, foron recoñecidas pola Deputación da Coruña na terceira edición destes recoñecementos.
Unhas 200 persoas do tecido social da provincia, alcaldes e concelleiros de servizos sociais dos municipios, acudiron a unha cita na que se premiou este ano á Asociación Galega de Ludópatas Rehabilitados (Agalure), a Asociación de Familiares de Enfermos de Alzheimer (AFACO), a Fundación Mujeres e a Fundación Érguete, pero que serviu como homenaxe ao traballo que desenvolven centos de entidades sociais que traballan cada día na provincia da Coruña.
O grupo Diversidarte, do proxecto Poten100mos, daba comezo á Gala (con algo de retraso pola tardanza do presidente da Deputación) coas súas habaneras e tangos flamencos.
O Grupo Diversidarte
Tomaba o mando a recoñecida actriz Lucía Veiga para dar paso ás entdades premiadas, lembrando que preto de 300 entidades sociais da provincia reciben este ano o apoio económico da Deputación. Valentín González Formoso e a deputada de Política Social, Mar García Vidal, foron os encargados de entregar os premios.
Premiados
Representantes das entidades premiadas cos responsables provinciais
O primeiro premio da noite foi para a Fundacion Érguete polo seu proxecto “Entre patios”, unha actividade colaborativa entre o Centro Penitenciario de Teixeiro, centros educativos da provincia e o Ciclo de FP de Carpintería e Moble do IES Rosalía Mera.
O proxecto consiste no deseño e elaboración de mobiliario entre presos e presas da cárcere e alumnado do Ciclo de FP, con visitas colaborativas entre o alumnado e os presos e presas.
Posteriormente, ese mobiliario instalouse nos patios dalgúns centros educativos da cidade da Coruña como o CEIP de Zalaeta, o CEIP Víctor López Seoane ou o CEIP Torre de Hércules, de maneira que tamén serve de sensibilización para o alumnado de Educación Infantil e Primaria.
Tamén na modalidade de proxectos resultou gañadora a Fundación Mujeres polo seu programa de Apoio Integral a Mulleres Coidadoras no eido Rural.
A atención ás mulleres coidadoras é unha necesidade apenas cuberta por recursos públicos ou privados, sendo estes casos, pouco identificables e sen continuidade no tempo. O Servizo de Apoio Integral a Mulleres Coidadoras no eido Rural propón cubrir este baleiro,dando unha atención de calidade ás mulleres coidadoras de familiares xa que están nunha situación de especial vulnerabilidade, froito das propias características e consecuencias que teñen os coidados.
Desde 2013, este programa levouse a cabo en 28 municipios da provincia: Culleredo, Bergondo, Arteixo, Abegondo, Betanzos, Cambre, Carral, Sada, Ordes, Curtis, Ortigueira, San Sadurniño, Pontedeume, Cerceda, Melide, As Pontes, Cabanas, A Laracha, A Pobra, Narón, Fene, Arzúa, Carballo, Irixoa, Rois, Negreira, Padrón e Santa Comba.
Outra das premiadas da noite foi a Asociacion de Familiares de Enfermos de Alzheimer (AFACO) polo seu proxecto “EnREDando”, cuxo obxectivo xeral é desenvolver e implementar unha plataforma de estimulación neuropsicolóxica grupal e individual a través de pizarras dixitais, xestionada pola equipa multidisciplinar da asociación co obxectivo de proporcionar un tratamento de calidade adaptado ás necesidades das persoas con demencia e á súa valoración individual que se realiza mediante diferentes probas e tests; aumentando a estimulación cognitiva dunha forma innovadora.
As actividades constan de exercicios grupais adaptados á fase da enfermidade na que se atopa cada persoa, con material clasificado en máis de 40 procesos cognitivos catalogados por dificultade, idade e modalidade, nunha plataforma dixital desenvolvida por técnicos de AFACO especializados en demencias e estimulación cognitiva.
Finalmente, na modalidade de traxectoria, o premio recaeu na Asociación Agalure, unha asociación de carácter sociosanitario declarada de utilidade pública creada na Coruña no ano 1994 e que dedica os seus esforzos exclusivamente ás adiccións sen sustancia, sendo a única entidade na provincia dedicada a esta problemática social.
Agalure, que este ano celebra o seu 30º aniversario, conta cun equipo multidisciplinar e ao longo destas tres décadas de historia axudou a máis de 3.000 persoas a superar as súa adicción ao xogo ou outras adiccións sen substancia. O ano pasado desenvolveu, en colaboración coa Deputación, un programa de sensibilización sobre este tipo de adiccións en centros escolares da provincia.
Ademáis do premio físico, que consiste nunha escultura de barro realizada polo obradoiro Kerámicos de APEM, cada unha destas entidades recibirá un premio en metálico de 10.000 euros para impulsar o desenvolvemento dos seus proxectos no ámbito social.
Pequena representación do equipo do Servizo de acción social, cultural e de deportes da Deputación
