As últimas entradas para o concerto que ofrece este sábado Budiño na Coruña están á venda, segundo informa o goberno local. Nel, presentará ‘Branca vea’, o seu último traballo.
Por outra banda, están esgotadas as entradas para a actuación de Xabier Díaz & Adufeiras de Salitre, que terá lugar no Teatro Colón o próximo 14 de abril e que forma parte do ciclo ‘Folk no Colón’.
Mentres, o goberno local avanza a ampliación do cartel do Atlantic Pride con Mondra, Sila Lua, O Rabelo e Nenaza, Catuxa Salom, Lontreira e Amoebo, nun evento que celebra a súa quinta edición e que terá lugar do 7 ao 14 de xullo.
Por outra banda, o Concello herculino abriu unha nova convocatoria de prográmalos ‘Residencia Cidade da Coruña’ e ‘Residencia Latitude 43’ para estancias literarias na cidade.
Unha vez pasadas as eleccións galegas, o sector agrícola únese para reivindicar a mellora da súa situación. Despois da mobilización da pasada semana e convocada só polo colectivo Agromuralla, o resto de sindicatos unen forzas para realizar concentracións con presenza de tractores en Lugo, Ourense, Lalín, Compostela, A Coruña, Ortigueira, Vimianzo, A Gudiña, Ribadeo e Pedrafita.
O Sindicato Labrego Galego-Comisións Labregas (SLG-CCLL), a Asociación Agraria de Galicia (ASAGA) e Unións Agrarias (UUAA) desenvolven hoxe martes 29 de febreiro, entre as 12 e as 17h. de hoxe concentracións. Na Coruña chegarán tamén á Delegación do Goberno, na praza de Ourense ondeás 12:30h, onde María Ferreiro e Xosé Ramón Cendán farán declaracións.
Reivindicacións
Entre as principais demandas atopamos o establecimento de prezos xustos, racionalización da burocracia esixida ás granxas, cumprimento da Lei da Cadea Alimentaria.
Quedaron asignadas as parcelas das hortas urbanas do parque de Adolfo Suárez. En total, asignáronse na segunda convocatoria 38 parcelas e tres mesas, que se suman ás 49 xa en funcionamento. Quedan ademais 62 persoas en lista de espera, o que dá conta da gran aceptación destas ecohortas urbanas
As persoas adxudicatarias teñen ata o 1 de marzo para asinar a acta de aceptación da parcela e recoller as chaves.
Ás de Visma súmanse as hortas urbanas xa existentes nos barrios da Agra do Orzán, Novo Mesoiro e Eirís ofertando un total de 318 parcelas individuais, 24 mesas de cultivo individuais, 4 parcelas de uso común e 4 mesas de cultivo. O novo espazo de ecohortas do parque de Adolfo Suárez suma unha superficie de 4.478 metros cadrados, con 28 metros cadrados de superficie por parcela, e está adaptado para as usuarias e usuarios con mobilidade reducida.
O espazo conta con iluminación nos principais percorridos de acceso e paso das persoas
usuarias así como a de tomas de auga compartidas para cada dúas unidades de terreo.
Durante as obras instalouse, ademais, unha edificación auxiliar de 91 metros cadrados
destinada a usos veciñais, así como para almacenar o material comunitario, obxectos
persoais e de aseo. Tamén conta cunha pía para o lavado de calzado, ferramentas e vexetais, un composteiro común, un xardín de plantas aromáticas e tamén se reservou o espazo preciso para crear, nunha seguinte fase, un invernadoiro que tería a función de sementeiro colectivo para as persoas usuarias das hortas urbanas do parque.
A necesidade de conectar o carril bici coa Universidade é patente. De aí que o Concello vaia remodelar e ampliara o carril bici no barrio de Someso, conectándoo coa rede existente no campus de Elviña, actuando sobre o antigo treito de carril bici que bordea o centro comercial Espacio Coruña.
Os traballos centraranse en dar continuidade ao treito de carril bici da avenida da Universidade, construído e habilitado a mediados do ano pasado. Desta forma, ampliarase o percorrido actual bordeando o CIFP de Imaxe e Son, a rotonda da propia avenida e a glorieta da rúa José Pascual López Cortón, conectando este novo treito de carril bici cun xa existente, mais infrautilizado ata agora: o que discurre en paralelo ás ramplas de acceso e saída do párking do centro comercial Espacio Coruña.
O carril bici chegará á contorna do pavillón polideportivo da UDC
Os traballos para ampliar o percorrido do carril bici de Someso permitirán que as persoas usuarias do mesmo cheguen ao campus universitario de Elviña. Concretamente, á contorna do pavillón polideportivo da Universidade da Coruña (UDC), a escasos metros do estadio universitario e as pistas de atletismo. A conexión ciclista de Someso co campus de Elviña é posible grazas á senda ciclable que, partindo desde a rúa Lamelas, discurre baixo o viaduto da avenida García Sabell e, a continuación, pasa por baixo da rede ferroviaria na que se atopa o apeadoiro Elviña-Universidade. Este treito tamén será renovado e mellorado
Pon en marcha hoxe, luns 19 de febreiro, o Concello da Coruña un plan especial para garantir unha limpeza intensiva e en profundidade nas rúas, beirarrúas e, en xeral, nos espazos públicos da cidade.
O plan, denominado Barrio a Barrio é unha medida complementaria e adicional que se suma ao servizo habitual de limpeza viaria (que recuperou a normalidade a pasada semana co acordo laboral), e que terá continuidade no tempo, xa que o obxectivo é que o plan chegue a todos os barrios da Coruña a través dun formato rotatorio mensual.
Hoxe a brigada especial comeza a traballar os barrios dos Rosales e Labañou, onde se intensificará a limpeza viaria das rúas con hidrolimpiadoras e baldeo de alta presión. Ademais, ampliarase o servizo de barrido mecánico.
Estarán durante 4 semanas nestes barrios, e despois pasarán aos da Agra do Orzán. De seguido farán o propio con barrios como o Ventorrillo e a Sagrada Familia, distritos nos que tamén se executará este plan de carácter mensual atendendo tamén ás súas necesidades específicas.
Coruña volve amosar o seu apoio á causa Palestina, coa gala ‘Cultura contra a barbarie’. Este acontecemento celebrarase o vindeiro 13 de marzo a partir das 20.30 horas, no Teatro Rosalía de Castro. Unha gala organizada por Culturactiva e Pallasos en rebeldía.
O espectáculo estará presentado pola actriz Isabel Risco e contará coa participación de Fillas de Cassandra, Xosé A. Touriñán, Dani García, Xurxo Fernandez, Sue Moreno, Alfredo Muíño, Sahar Shatat e Iván Prado.
Estes elenco de artistas galegos súmase así a outras celebridades do mundo da música como Rozalén, Coque Malla ou Ismael Serrano que xa expresaron o seu apoio á causa palestina, e que o público coruñés terá oportunidade de presenciar ao longo de 2024 na cidade.
As entradas terán un prezo único de 10 euros, e todo o que se recade irá destinado á Gaza Stars Circus School, unha entidade local coa que colabora Pallasos en Rebeldía, e que traballa directamente con nenos e nenas, proporcionándolles bens básicos como alimentos, medicinas e roupa. As entradas poderán adquirirse a través da plataforma Ataquilla.
O PP perde un deputado na provincia da Coruña, de forma que queda en 13, co 100% escrutado. Igualmente, o PSdeG perde un escano e sitúase con tres. Deste xeito, o Bloque convértese na única forza en subir, con dous deputados máis, e alcanza os 9.
Na provincia, o PP foi primeira forza en todos os Concellos agás en Fene, Mugardos e Corcubión.
Os resultados, co 100% escrutado, son os seguintes:
SIGLAS
ESC’24
VOT’24
%’24
ESC’20
VOT’20
%’20
PP
13
288.911
47,67
14
263.293
49,15
BNG
9
197.929
32,66
7
133.144
24,85
PSdeG-PSOE
3
78.458
12,94
4
89.767
16,75
Os datos relativos a votantes, abstención e nulos son os seguintes:
O PP tamén venceu na Coruña, mantendo a vantaxe das pasadas Autonómicas de 2020. A gran subida do BNG non foi suficiente, como acontece en toda Galicia, pola caída do PSOE.
Chave foi a experiencia da esquerda vivida nas municipais no marco da esquerda, cando Por Coruña (Podemos) e Sumar quedaron sen representación “malgastando” case 9.000 votos, o provocou a concentración do voto no BNG e deixa a Sumar e Podemos sen representación en toda Galicia.
Aquí deixamos o resultado das Eleccións Galegas 2024 en Galicia cun escrutinio do 99%.
Ata este domingo durou o diverso Entroido de Cambre. Pechou unha boa quincena de troula co Entroido co Enterro da Sardiña, no que se lle entregou o enterro eterno ao ‘Choqueiro’. Un velorio celebrado grazas á colaboración dos grupos de teatro Camtteam e Dis que fan, que colocaron nun carro ao boneco e o levaron de procesión ata os Muíños de Norgasa, onde tivo lugar o tradicional lanzamento ao río. A música de Santa Compaña amenzou o acto.
O ‘Choqueiro’, tamén coñecido como ‘Meco’, é un personaxe vinculado ás desviacións morais e ao que se lle atribuían epítetos como ‘lacazán’ ou ‘lambón’. De feito, é coñecido pola súa debilidade pola comida ou o diñeiro.
Séquito de viuvas do Enterro da Sardiña co meco
Entroido pequeno máis grande do mundo
Ademais, na xornada do sábado, celebrábase o concurso de Entroido Pequeno Máis Grande do Mundo, que reuniu a centos de persoas. Na comitiva entroideira non faltaron ximnastas, galiñas e outros animais,
prisioneiros, personaxes de Avatar e mesmo do circo.
O evento incluíu, non só un desfile e concurso de disfraces, carrozas e comparsas, pero tamén música de Juan “El Chunguito”, Aixa Romay e a Orquestra Miramar.
Desenvolveuse onte no Teatro Principal de Santiago a Gala de Entrega dos Premios Youtubeiras. Eses premios artellados por varios Servizos municipais de Normalización Lingüística do país, ademais da Deputación da Coruña e as Universidades galegas, que trata de “incentivar, consolidar, difundir e fortalecer a creación de vídeos en galego na rede”.
Os premios que mellor recollen a creación en galego nas redes, chegaban á final da súa sétima edición, unha cita á que chegaban 18 finalistas, unha verdadeira mostra do talento da nosa mocidade.
Foi unha gala guiada por Nuria Vil e Gabi Fuentes coa música de Mondra.
Mondra en marcha
Entre os gañadores, atopamos un coruñés como Iago Gordillo, que levou o premio Youtubeira pola súa creatividade no @recunchogamer un dos mellores espazos galegos vinculados cos videoxogos.
Anxo Tato de @Ficacoabola
Hai moita calidade como na Canle Pioneira gañadora, a canle deportiva de @FicaCoaBola, do locutor da radiogalega Anxo Tatom ou o gañador do Premio maior, a canle @Ouke_gal, xornalismo con humor da nosa mocidade.
O xa clásico a pesar da súa mocidade olaxonmario levou o premio á Calidade Lingüística.
Un fermoso paso deu a Rede @GalegoTube, desenvolto polo Obradoiro dixital galego de Fran da lobeira e Isaac de podgalego, para ir creando esa rede común e necesaria.
Os comprometidos vídeos de Savia Nova levaron o premio do público.
